ម្ចាស់ជើងឯកក្របខ័ណ្ឌ French Open នាងម៉ារីយ៉ា សារ៉ាប៉ូវ៉ា បានបង្ហាញនូវភាពខ្លាំងរបស់ខ្លួនជាថ្មីម្តងទៀតក្នុងក្របខ័ណ្ឌចុងក្រោយនៃរដូវកាលប្រកួតឆ្នាំ២០១៤ បន្ទាប់ពីបានផ្តួលគូប្រកួត គឺនាង Alexandra Dulgheru ក្នុងលទ្ធផល៣សិតទល់នឹង០ កាលពីថ្ងៃពុធ ទី២៧ ខែសីហា ។
ម្ចាស់ជើងឯកក្របខ័ណ្ឌ French Open នាងម៉ារីយ៉ា សារ៉ាប៉ូវ៉ា បានបង្ហាញនូវភាពខ្លាំងរបស់ខ្លួនជាថ្មីម្តងទៀតក្នុងក្របខ័ណ្ឌចុងក្រោយនៃរដូវកាលប្រកួតឆ្នាំ២០១៤ បន្ទាប់ពីបានផ្តួលគូប្រកួត គឺនាង Alexandra Dulgheru ក្នុងលទ្ធផល៣សិតទល់នឹង០ កាលពីថ្ងៃពុធ ទី២៧ ខែសីហា ។
កីឡាការិនីលំដាប់ទី៥ របស់កម្មវិធីរូបនេះបានចាប់ផ្តើមប្រកួតក្នុងសភាពមួយរឹងមាំប្រឆាំងនឹងកីឡាការិនីលំដាប់ទី៩៥ ពិភពលោកជាតិរូម៉ានី Dulgheru ។ យ៉ាងណាក៏ដោយ លក្ខខណ្ឌអាកាសធាតុដែលមានខ្យល់បក់ខ្លាំងនៅទីលាន Arthur Ashe Stadium បានធ្វើឱ្យកីឡាការិនីរុស្ស៊ីរូបនេះជួបការលំបាកខ្លះៗ ហើយថែមទាំងបង្កើតឱ្យមានកំហុស Unforced Errors ដល់ទៅ៤៦លើកផងដែរ ពោលគឺមុននឹងបញ្ចប់ការប្រកួតដែលប្រើពេលអស់២ម៉ោងនិង២៦នាទី។
នាងបានថ្លែងថា ៖ «មានបញ្ហាបន្តិចបន្តួចនៅថ្ងៃនេះ ។ ខណៈការប្រកួត គឺប្រៀបបាននឹងការប្រើល្បិចផងនោះ ដូច្នេះយើងត្រូវតែស្វែងរកមធ្យោបាយណាមួយដើម្បីយកឈ្នះ ។ នេះជាមូលហេតុមួយដែលនាង Agnieska Radwanska មិនអាចធ្វើបាននៅថ្ងៃនេះ» ។កីឡាការិនីប៉ូឡូញ Agnieska Radwanska បានក្លាយជាកីឡាការិនីល្បីឈ្មោះដំបូងគេដែលត្រូវវេចសម្ពាយចាកចេញពីព្រឹត្តិការណ៍ប្រកួត បន្ទាប់ពីបរាជ័យក្រោមថ្វីដៃកីឡាការិនីចិន Peng Shuai ក្នុងលទ្ធផល៦-៣ និង៦-៤។ អតីតជ័យលាភីលេខ២ ក្របខ័ណ្ឌ Wimbledon រូបនេះសង្ឃឹមថា ខ្លួននឹងអាចឆ្លងផុតជុំទី៤ សម្រាប់ការចូលរួមលើកទី៩ លើកនេះ ។ ទោះជាយ៉ាងនេះក្តី នៅក្នុងកែវភ្នែក Peng Shuai នាង Radwanska គឺជាជើងខ្លាំងម្នាក់ដែលពិបាកនឹងយកឈ្នះ ។ កីឡាការិនីលំដាប់ទី៣៩ ពិភពលោករូបនេះថ្លែងថា «នាងជាគូប្រជែងយ៉ាងស្វិតស្វាញម្នាក់ ។ វាជារឿងគួរឱ្យភ្ញាក់ផ្អើលដែលខ្ញុំឈ្នះការប្រកួតលើកនេះ» ។
កីឡាការិនីបារាំង Alize Cornet ក៏បានឡើងទៅជុំទី៣ផងដែរ ក្រោយពីបានយកឈ្នះកីឡាការិនីស្លូវ៉ាគី Daniele Hantuchova ក្នុងលទ្ធផល៦-៣ និង៦-៣ ។ សូមរំលឹកថា នៅក្នុងការជួបគ្នា៩លើកកន្លងមក Hantuchova ឈ្នះ Cornet ៦លើក ។ ចំណែកនាង Simona Helep បានប្រើពេលតិចជាង១ម៉ោងយកឈ្នះកីឡាការិនីស្លូវ៉ាគី Jana Cepalova ក្នុងលទ្ធផល៦-២ និង៦-១ ៕
ចែករំលែកព័តមាននេះ