ខេត្តស្វាយរៀង ៖ បុរសម្នាក់ត្រូវពក់វែកត្របាក់ដំរីចឹកចំ ក.ជើង ហើមស្អុយបណ្តាលឱ្យឈឺចុកចាប់យ៉ាងខ្លាំងខណៈដើរជាន់ពស់វែកដែលកំពុងវានៅក្បែរសំយ៉ាបផ្ទះ។ ករណីនេះកើតឡើងកាលពីវេលាម៉ោង ៧យប់ ថ្ងៃទី ២៦ សីហា ២០១៤នៅភូមិទឹកវិល ឃុំអំពិល ស្រុករមាសហែក ខេត្តស្វាយរៀង ។បើតាមបុរសជាឪពុកបាន
ខេត្តស្វាយរៀង ៖ បុរសម្នាក់ត្រូវពស់វែកត្របាក់ដំរីចឹកចំ ក.ជើង ហើមស្អុយបណ្តាលឱ្យឈឺចុកចាប់យ៉ាងខ្លាំងខណៈដើរជាន់ពស់វែកដែលកំពុងវានៅក្បែរសំយ៉ាបផ្ទះ។ ករណីនេះកើតឡើងកាលពីវេលាម៉ោង ៧យប់ ថ្ងៃទី ២៦ សីហា ២០១៤នៅភូមិទឹកវិល ឃុំអំពិល ស្រុករមាសហែក ខេត្តស្វាយរៀង ។បើតាមបុរសជាឪពុកបានប្រាប់ថា ជនរងគ្រោះឈ្មោះ សៅ ហាន ភេទប្រុស អាយុ៣៣ឆ្នាំ មានទីលំនៅភូមិកើតហេតុខាងលើ ។
មុនពេលកើតហេតុជនរងគ្រោះបានដើរពិនិត្យមាន់ដេកក្បែរផ្ទះក្រែងមានបាត់ព្រោះទឹកជំនន់លិចជុំវិញផ្ទះ និងមើលក្រែងមានការភ្លេចខោអាវនៅស្នួរក្រោយផ្ទះ ខណៈដើរមកដល់សំយ៉ាបផ្ទះក៏បានជាន់ចំពាក់កណ្តាលខ្លួនពស់វែកត្របាក់ដំរី ហើយពស់នោះក៏បានចឹកចំ ក.ជើងខាងឆ្វេងជាប់បណ្តាលឱ្យជនរងគ្រោះឈឺចុកចាប់យ៉ាងខ្លាំងក៏ដាក់គូថអង្គុយក៏ឃើញពស់វែកត្របាក់ដំរីនៅបើកវែកពីមុខ ហើយបានស្រែកឱ្យឪពុកជួយ បន្ទាប់មកឪពុកជនរងគ្រោះក៏បានយកព្រនង់មកវាយពស់នោះងាប់រួចហៅរថយន្តពេទ្យខេត្តមកដឹកទៅសង្រ្គោះព្រមទាំងយកខ្មោចពស់ទៅឱ្យគ្រូពេទ្យពិនិត្យមើល ។
ក្រោយពេលដាក់ថ្នាំពស់ចឹករួចជនរងគ្រោះបានធូស្រាល ហើយសមត្ថកិច្ចបានប្រាប់ថាពេលទឹកជន់លិច ទួលព្រៃ ពស់វែកគ្រប់ប្រភេទវាឡើងទួល នឹងលំនៅឋានសូមប្រជាពលរដ្ឋមានការប្រុងប្រយ័ត្ន។
ចែករំលែកព័តមាននេះ