រាជធានីភ្នំពេញ ៖ បុរសម្នាក់បើកម៉ូតូទាក់ដៃចង្កូតជាមួយរថយន្តយីឌុបដឹកស៊ីម៉ង់ត៍បណ្តាលឱ្យបោកអ្នកជិះម៉ូតូទៅនិងកញ្ចក់រថយន្តរងរបួសធ្ងន់ ចំណែកឯម៉ូតូដួលខ្ទាតទៅលើថ្នល់ត្រូវរថយន្តក្រុងក្រុមហ៊ុនរិទ្ធមុនីបើកមកដល់កិនពីលើម៉ូតូកល់ជាប់រថយន្តទៅមុខលែងរួច។ ហេតុការណ៍នេះកើតឡើងកាលពីវេលាម៉ោង៨ យប់
រាជធានីភ្នំពេញ ៖ បុរសម្នាក់បើកម៉ូតូប៉ះគ្នាជាមួយរថយន្តយីឌុបដឹកស៊ីម៉ង់ត៍បណ្តាលឱ្យបោកអ្នកជិះម៉ូតូទៅនិងកញ្ចក់រថយន្តរងរបួសធ្ងន់ ចំណែកឯម៉ូតូដួលខ្ទាតទៅលើថ្នល់ត្រូវរថយន្តក្រុងក្រុមហ៊ុនរិទ្ធមុនីបើកមកដល់កិនពីលើម៉ូតូកល់ជាប់រថយន្តទៅមុខលែងរួច។ ហេតុការណ៍នេះកើតឡើងកាលពីវេលាម៉ោង៨ យប់ ថ្ងៃទី២៧ សីហា ២០១៤ នៅចំណុចមុខប៉ុស្តិ៍នគរបាលរដ្ឋបាលកន្ទោក តាមផ្លូវជាតិលេខ៣ ស្ថិតក្នុងភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញម៉ូតូស្មាស ពណ៌ខ្មៅមួយគ្រឿង ពាក់ស្លាកលេខកំពង់ឆ្នាំង 1B-2299 បើកបរដោយបុរសម្នាក់តាមផ្លូវជាតិលេខ៣ ក្នុងទិសដៅពីលិចទៅកើតមកដល់ចំណុចកើតហេតុអ្នកបើកម៉ូតូបានបើកវ៉ារថយន្តយីឌុបដឹកស៊ីម៉ង់ត៍មួយគ្រឿងទៀតដែលជិះស្របទិសគ្នាបណ្តាលឱ្យប៉ះគ្នាជាមួយរថយន្តយីឌុបនោះ បោកអ្នកជិះម៉ូតូទៅប៉ះកញ្ចក់រថយន្ត រងរបួសធ្ងន់ ចំណែកឯម៉ូតូដួលខ្ទាតទៅលើថ្នល់ត្រូវរថយន្តក្រុងក្រុមហ៊ុន រិទ្ធមុនី ពណ៌ទឹកមាស ពាក់ស្លាកលេខភ្នំពេញ3B-8242 បើកមកដល់កិនពីលើម៉ូតូកល់ជាប់រថយន្តទៅមុខលែងរួច បន្ទាប់មកតៃកុងរថយន្តក្រុងបានបើកទ្វាររត់គេចខ្លួន។
ក្រោយពេលកើតហេតុជនរងគ្រោះត្រូវបានគេបញ្ជូនទៅសង្រ្គោះនៅមន្ទីរពេទ្យ ចំណែកម៉ូតូរបស់ជនរងគ្រោះនិងរថយន្តត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌពោធិ៍សែនជ័យដើម្បីដោះស្រាយគ្នាជាក្រោយតាមនិតិវិធីច្បាប់ ។
ចែករំលែកព័តមាននេះ