ថ្មីៗនេះក្រុមហ៊ុនផលិតម៉ូតូធំEBR បានណែនាំនូវផលិតផលដែលទើបនឹងចេញថ្មីស៊េរី២០១៥ គឺ 1190SX ដែលជាម៉ូតូស្ព័រកម្លាំងម៉ាស៊ីនដ៏មហិមា ជាមួយនឹងប្រតិបត្តិការប្រកបដោយបច្ចេកវិទ្យាខ្ពស់ទាន់សម័យ ពិសេសស្របតាមកិត្តិនាមម៉ូតូប្រណាំងដ៏ល្បីល្បាញ ដែលគេមិនអាចមើលរំលងបានក្នុងស្រទាប់យុវវ័យនិយមប្រើម៉ូតូធំ ។
ចំពោះការរចនាម៉ូដក្រៅពីតួគ្រោងដែលរំលេចចេញនូវសោភ័ណភាពគួរឱ្យទាក់ទាញក្រុមវិស្វករផ្តោតការយកចិត្តទុកដាក់ដោយសង្កត់ធ្ងន់ទៅលើបរិវេណនៃតួម៉ាស៊ីនតែម្តង ដើម្បីទាញយកចំណាប់អារម្មណ៍ភិនភាគខាងក្រៅរបស់វាដោយគ្រាន់តែគ្រលៀសភ្នែកចំបន្តិចក៏ពេញចិត្តភ្លាម ។ បើនិយាយពីអានុភាពម៉ាស៊ីន EBR 1190SX សេ៊រីថ្មី២០១៥នេះ បានពាំនាំមកនូវប្រតិបត្តិការខ្ពស់ជាគេបំផុតក្នុងពពួកម៉ូតូដែលគេឱ្យរហ័សនាមថា «អធិរាជលើដងផ្លូវ» ។ ក្រៅពីចំណុចពិសេសទាំងអស់នោះក្រុមហ៊ុនបានធ្វើឱ្យប្រសើរឡើងនូវប្រសិទ្ធភាពសន្សំសំចៃប្រេងឥន្ធនៈកាត់បន្ថយការបញ្ចេញឧស្ម័នពុល និងទម្ងន់ម៉ូតូជាដើម ។
លក្ខណៈពិសេស
-តម្លៃលក់ចេញរោងចក្រៈ ១៦.៩៩៥ដុល្លារ
-ម៉ាស៊ីនប្រភេទៈ ET-V 2V-Twin ប្រើវត្ថុរាវស្អំម៉ាស៊ីន និងមាន៤សឺមី
-ចំណុះស៊ីឡាំងៈ ១.១៩០សេសេ
-អត្រាបង្ហាប់ម៉ាស៊ីនៈ ១៣.៣ៈ១
-កម្លាំងរមួលអតិបរមាៈ ១៣៧,៨ញូវតុនម៉ែត្រក្នុងសន្ទុះ៨២០០ជុំ/នាទី
-កម្លាំងថាមពលអតិបរមាៈ ១៨៥សេះ/អត្រាសន្ទុះ ១០.៦០០ជុំ/នាទី
-ប្រើប្រអប់លេខៈ ៦វគ្គ
-ប្រវែងបណ្តោយម៉ូតូៈ ២.០៤០មីលី្លមែ៉ត្រ
-ទទឹងៈ ៨១០មីលី្លមែ៉ត្រ
-កម្ពស់សរុបៈ ១.០៨៧មីលី្លមែ៉ត្រ
-គម្លាតពីដីមកបាតក្រោមម៉ាស៊ីនៈ១២០មីលី្លមែ៉ត្រ
-ចំណុះធុងសាំងៈ ១៧,១លីត្រ
-ទម្ងន់ទទេៈ ១៨៨គីឡូក្រាម
-សមត្ថភាពផ្ទុកៈ ១៧៣គីឡូក្រាម
-ពណ៌សម្រាប់ជ្រើសរើសៈ ស ក្រហម និងខ្មៅ ៕
ចែករំលែកព័តមាននេះ