រាជធានីភ្នំពេញ ៖ ការប្រកួតកីឡាសូរីនហ្ស៊ិ កាំប៉ូ ជ្រើសរើសជើងឯកថ្នាក់ជាតិលើកទី២ប្រចាំឆ្នាំ២០១៤ ដែលជាកម្មវិធីប្រចាំឆ្នាំរបស់ក្រសូងអប់រំ យុវជននិងកីឡា បានចាប់ផ្តើមធ្វើការប្រកួតជាផ្លូវការហើយ នៅថ្ងៃទី២៧ សីហា ដែលតាមគម្រោងនឹងបញ្ចប់នៅថ្ងៃទី៣០ សីហា ខាងមុខនេះ នៅសាលដំបូលទូកថ្មីនៃពហុកីឡដ្ធានជាតិរាជធានីភ្នំពេញ។
សម្រាប់ការប្រកួតដែលជាឆ្នាំទី២នេះមានក្លិប និងសមាគមចូលរួមចំនួន៥ដូចជា៖ ក្លិបជម្រើសជាតិ, ក្លិបយុវជន , ក្លិបម៉ុងឌីយ៉ាល់ ,ក្លិបដឺប្លេស និងសមាគមស្មាតឃីដ ខេត្តសៀមរាប និងកីឡាករ កីឡាការិនីចូលរូមសរុបចំនួន៩៤នាក់ ក្នុងនោះកីឡាការិនីមាន២២នាក់។
ចំពោះវិញ្ញាសានៃការប្រកួតមាន៥រួមមាន៖ កាតាឯកត្តជនបុរស-នារី មាន២ប្រភេទគឺ ក្របខ័ណ្ឌក១ និងក២ វិញ្ញាសាកាតាគូបុរសសម្តែង២នាក់មាន៣ប្រភេទ គឺទី១កាតាគូបុរស ,២ កាតាគូនារី និងទី៣កាតាគូជម្រុះបុរស-នារី វិញ្ញាសាប្រយុទ្ធឯកត្តជនបុរស ក្របខ័ណ្ឌក១ ក២ មាន៨ប្រភេទទម្ងន់ ក្នុងនោះក្របខ័ណ្ឌក១ មាន៤ប្រភេទទម្ងន់ គឺទម្ងន់៥៥គីឡូចុះក្រោម ,៦០គីឡូចុះក្រោម ,៦៥គីឡូចុះក្រោម និង៦៥គីឡូក្រាមឡើង។ ក្របខ័ណ្ឌក២ មានទម្ងន់ចាប់ពី៤០គីឡូចុះក្រោម ,៤៥គីឡូចុះក្រោម ,៥០គីឡូចុះក្រោម និង៥០គីឡូឡើងទៅ។ ចំពោះផ្នែកនារី ក្របខ័ណ្ឌក១ ក២ មាន៣ប្រភេទទម្ងន់គឺ ចាប់ពីទម្ងន់៤៤គីឡូចុះក្រោម,៥៣ គីឡូ ចុះក្រោម និង៥៣គីឡូឡើងទៅ ៕
ចែករំលែកព័តមាននេះ