AFP ផ្សាយកាលពីពេល ថ្មីៗនេះថា លោកតាជនជាតិជប៉ុនអាយុ១១១ឆ្នាំ បានជាប់ឈ្មោះក្នុងបញ្ជីប្រវត្តិសាស្ត្រជាបុរសមានអាយុច្រើនបំផុតនៅលើពិភពលោក ។ លោកតាសាការី ម៉ូម៉ូអីុ ជាអតីតនាយកសាលាមធ្យមសិក្សាមួយ កើតនៅថ្ងៃទី៣ កុម្ភៈ ១៩០៣ ។ តំណែងជាបុរសអាយុវែងរបស់គាត់ត្រូវសៀវភៅ Guiness World Records កត់ត្រាទទួលស្គាល់កាលពីថ្ងៃទី២០ សីហា
AFP ផ្សាយកាលពីពេល ថ្មីៗនេះថា លោកតាជនជាតិជប៉ុនអាយុ១១១ឆ្នាំ បានជាប់ឈ្មោះក្នុងបញ្ជីប្រវត្តិសាស្ត្រជាបុរសមានអាយុច្រើនបំផុតនៅលើពិភពលោក ។ លោកតាសាការី ម៉ូម៉ូអីុ ជាអតីតនាយកសាលាមធ្យមសិក្សាមួយ កើតនៅថ្ងៃទី៣ កុម្ភៈ ១៩០៣ ។ តំណែងជាបុរសអាយុវែងរបស់គាត់ត្រូវសៀវភៅ Guiness World Records កត់ត្រាទទួលស្គាល់កាលពីថ្ងៃទី២០ សីហា ២០១៤ ។
លោកតាសាការី ម៉ូម៉ូអីុ ពាក់អាវធំពណ៌ខ្មៅ អាវក្នុងពណ៌ស និងមានក្រវាត់កពណ៌ទឹកប្រាក់ បានបញ្ជាក់ប្រាប់អ្នកសារព័ត៌មាននៅមជ្ឈមណ្ឌលជនចាស់ជរាក្នុងទីក្រុងតូក្យូថា «ខ្ញុំចង់រស់នៅបន្តរយៈពេលប្រហែល២ឆ្នាំទៀត» ។ ឯតទគ្គកម្មបុរសដែលមានអាយុច្រើនបំផុតនៅលើពិភពលោកបានទៅលើលោកតាសាការី ម៉ូម៉ូអីុ ក្រោយពីបុរសវ័យចំណាស់ជនជាតិអាមេរិកលោកតាអាឡិច សាន់ឌ័រ អីុមិច ដែលកើតមុនគាត់១ថ្ងៃ ទទួលមរណភាពកាលពីខែមិថុនា ។
ឯតទគ្គកម្មអាយុវែងរបស់លោកតាសាការី ម៉ូម៉ូអីុ ធ្វើឱ្យប្រទេសជប៉ុនក្លាយជាជម្រករបស់បុរស និងស្ត្រីដែលមានអាយុវែងបំផុតក្នុងលោក ។ ចំពោះលោកយាយជប៉ុនដែលជាប់តំណែងអាយុវែងបំផុតក្នុងលោក ឈ្មោះមីសាអូ អូកាវ៉ា អាយុ១១៦ឆ្នាំ រស់នៅទីក្រុងអូសាកា ៕
ចែករំលែកព័តមាននេះ