តារាសម្តែងភាពយន្តអាសអាភាសរបស់ជប៉ុន នៅថ្ងៃទី៣០ សីហា ឆ្នាំ២០១៤ នឹងបើកឱកាសឱ្យមហាជនស្ទាបសុដន់រយៈពេល២៤ម៉ោង ជាផ្នែកមួយនៃទិវា«សប្បុរសធម៌ប្រយុទ្ធប្រឆាំងនឹងជំងឺអេដស៍» ។ AFP ផ្សាយថា តារាសម្តែងភាពយន្តអាសអាភាស៩នាក់នោះ បានបញ្ជាក់ប្រាប់កាសែតនៅក្នុងស្រុក កាលពីថ្ងៃទី២៥ សីហា ថា ពួកនាងមានក្តីរំភើបរីករាយ ដែលមានចំណែកចូលរួមក្នុងការឃោសនាប្រយុទ្ធប្រឆាំងជំងឺអេដស៍ ។ ការបើកឱកាសដល់សាធារណជនស្ទាបសុដន់នោះ ផ្សាយបន្តផ្ទាល់តាមទូរទស្សន៍ ប៉ុន្តែតារាស្រីមួយចំនួនសំណូមពរថា «គួរតែចាប់ស្ទាបសុដន់របស់ពួកនាង ថ្នមៗ» ។
នាងរីណា សេរីណា ប្រាប់សារព័ត៌មាន Tokyo Sport ថា «ខ្ញុំទន្ទឹងរង់ចាំពេលវេលាដែលបណ្តាអ្នកគាំទ្រជាច្រើននាក់ស្ទាបអង្អែលដើមទ្រូងរបស់ខ្ញុំ ប៉ុន្តែខ្ញុំមានភាពត្រេកអរប្រសិនបើពួកគេប្រើដៃ ស្រាលៗ ។ ខ្ញុំមិនធ្លាប់គិតតាំងពីមុនថា ដើមទ្រូងរបស់ខ្ញុំអាចផ្តល់ប្រយោជន៍ដល់សង្គមបែបនេះទេ» ។
ចំណែកតារាសម្តែងមួយរូបទៀត គឺនាង អីុគូ សាគូរ៉ាងី មិនបានបង្ហាញពីក្តីកង្វល់ ដែលត្រូវបុរសជាច្រើននាក់ចាប់ស្ទាបសុដន់ដៃធ្ងន់បែបណាទេ ប៉ុន្តែនារីអាយុ២១ឆ្នាំរូបនេះនិយាយថា «វាគឺជាការងារសប្បុរសធម៌ គួរឱ្យរីករាយ ។ ឱ្យបុរសច្របាច់សុដន់ តែគេត្រូវបរិច្ចាគប្រាក់ ដើម្បីប្រយោជន៍សង្គមជារឿងល្អណាស់» ។ ជាលើកទី១២ហើយនៃទិវាសប្បុរសធម៌នេះ គិតចាប់តាំងពីឆ្នាំ២០០៣មក ។
អ្នកចូលរួមចាប់សុដន់ ត្រូវបរិច្ចាគប្រាក់សប្បុរសធម៌លើគម្រោងការប្រយុទ្ធប្រឆាំងនឹងជំងឺអេដស៍ ។ពិធីចាប់សុដន់របស់តារាសម្តែងភាពយន្តអាសអាភាសរយៈពេល២៤ម៉ោងនោះ នឹងចាប់ផ្តើមទ្បើងនៅវេលាម៉ោង៨យប់ ថ្ងៃទី៣០ សីហា ឆ្នាំ២០១៤ ម៉ោងនៅក្នុងស្រុកត្រូវនឹងម៉ោង៦ល្ងាចក្នុងប្រទេសកម្ពុជា ៕
ចែករំលែកព័តមាននេះ