តារាចម្រៀងអាមេរិកវ័យ ២១ឆ្នាំ នាង Miley Cyrus ទទួលបានពានរង្វាន់ MTV Video Music Awards ប្រចាំឆ្នាំ២០១៤ តាមរយៈបទ Wrecking Ball ដែលរំលេចដោយភាពសិចស៊ីរបស់នាង ។ពិធីប្រគល់ពានរង្វាន់នេះកាលពីថ្ងៃទី២៤ សីហា ២០១៤ ក្នុងទីក្រុង Inglewood សហរដ្ឋអាមេរិក ដោយមានតារា ល្បីៗជាច្រើនរូបចូលរួម ។
នាង Miley Cyrus និយាយថា នាងត្រេកអរណាស់ពេលទទួលបានពានរង្វាន់ឆ្នើម MTV Video Music Awards ប្រចាំឆ្នាំ២០១៤ ដោយយកឈ្នះតារា ល្បីៗជាច្រើនរូបទៀត ។Wrecking Ball ជាប្រភេទបទចម្រៀងបរិយាយពីសេចក្តីស្នេហាស្ម័គ្រស្មោះរបស់នារីម្នាក់ចំពោះមនុស្សជាទីស្រឡាញ់ តែផ្ទុយទៅវិញនាងបានត្រឹមតែការឈឺចាប់ និងការមើលងាយពីបុរសម្នាក់នោះ ។
នេះជាព្រឹត្តិការណ៍លើកទី៣១ហើយរបស់ហូលីវូដ ។ ការប្រារព្ធពិធីនេះឡើងដើម្បីលើកស្ទួយវិស័យសិល្បៈចម្រៀងឱ្យកាន់តែរីកចម្រើន ៕
ចែករំលែកព័តមាននេះ