រាជធានីភ្នំពេញ ៖ តារាចម្រៀងស្រីជួរមុខនៅក្នុងផលិតកម្មថោន នាង មាស សុខសោភា បានធ្វើការបដិសេធមិនលែងល្បែង «Ice bucket Challenge» តាមការស្នើសុំរបស់ប្រិយគាំទ្រឡើយ ដោយសារតែនាងយល់ថា ការលែងល្បែងនេះជាការខ្ជះខ្ជាយទឹក។
ការបដិសេធរបស់តារាចម្រៀង មាស សុខសោភា នេះ បានធ្វើឡើងក្នុងពេលដែលល្បែងប្រភេទនេះ បាននិងកំពុងតែមានការផុសផុលយ៉ាងខ្លាំងនៅជុំ
រាជធានីភ្នំពេញ ៖ តារាចម្រៀងស្រីជួរមុខនៅក្នុងផលិតកម្មថោន នាង មាស សុខសោភា បានធ្វើការបដិសេធមិនលែងល្បែង «Ice bucket Challenge» តាមការស្នើសុំរបស់ប្រិយគាំទ្រឡើយ ដោយសារតែនាងយល់ថា ការលែងល្បែងនេះជាការខ្ជះខ្ជាយទឹក។
ការបដិសេធរបស់តារាចម្រៀង មាស សុខសោភា នេះ បានធ្វើឡើងក្នុងពេលដែលល្បែងប្រភេទនេះ បាននិងកំពុងតែមានការផុសផុលយ៉ាងខ្លាំងនៅជុំវិញពិភពលោក ហើយក៏មានអ្នកសិល្បៈខ្មែរមួយចំនួនបាននាំគ្នាចូលរួមលេងល្បែងនេះផងដែរ ខណៈពេលតារាខ្លះបានចាប់លេងល្បែងនេះក្នុងន័យស្វែងមូលនិធិ ដើម្បីជួយដល់មន្ទីរពេទ្យគន្ធបុប្ឆា។
យ៉ាងណាក៏ដោយ បើទោះបីជា មាស សុខសោភា បានធ្វើការបដិសេធមិនចូលរួមលេងល្បែងនេះក៏ដោយ ប៉ុន្តែនាងបានយល់ព្រមបរិច្ឆាគថវិកាដោយផ្ទាល់ ដើម្បីជួយដល់មន្ទីរពេទ្យគន្ធបុប្ឆាតែម្តង។
ការបដិសេធរបស់ មាស សុខសោភា បានធ្វើឡើងតាមរយៈសារមួយដែលនាងបានសសេរនៅតាមបណ្តាញសង្គមហ្វេសប៊ុកកាលពីពេលថ្មីៗនេះ ដោយនាងបានសរសេរថា សូមអរគុណដល់អ្នកគ្រប់គ្នាបានចូលរួមធ្វើ «Ice bucket Challenge» ព្រមទាំងបានស្នើឱ្យនាងខ្ញុំអនុវត្តបន្ត ។ នាងខ្ញុំសូមថ្លែងអំណរគុណយ៉ាងជ្រាលជ្រៅដល់បងប្អូនដែលបានចូលរួមក្នុងសកម្មភាពដ៏មានអត្ថន័យនេះ។
មាស សុខសោភា បានបញ្ជាក់ថា ក្នុងពេលជាមួយគ្នានេះ នាងខ្ញុំបានទទួលដំណឹងពីព្រះតេជព្រះគុណ ដែលទទួលមើលថែកូនឈើទាំង១០.០០០ដើមរបស់មាស សុខសោភា ថា អណ្តូងមានសភាពរីងស្ងួតដោយកត្តាអាកាសធាតុ។ យើងបានព្យាយាមយ៉ាងស្វិតស្វាញពេញមួយសហ្តហ៍ ដើម្បីធ្វើដំណើរទៅយកទឹកពីទន្លេមកស្រោចស្រពសង្គ្រោះជីវិតកូនឈើទាំងនោះ ហើយចំណាយក្នុងការធ្វើដំណើរម្តងៗ រហូតដល់ទៅ១០.៥០០រៀល។ នាងខ្ញុំផ្ទាល់សូមសម្តែងនូវសេចក្តីគោរពដល់ព្រះតេជព្រះគុណ ដែលបានប្រឹងប្រែងអស់ពីកម្លាំងកាយចិត្តក្នុងការងារជួយសហគមន៍ភ្នំឱរាល់ និងថែរក្សាកូនឈើទាំងនោះ។ អាស្រ័យហេតុនេះហើយ នាងខ្ញុំនឹងមានអារម្មណ៍ខុសឆ្គងខ្ជះខ្ជាយទឹក ដូច្នេះនាងខ្ញុំសង្ឃឹមថា អ្នករាល់គ្នានឹងមានការអធ្យាស្រ័យ ។ នាងខ្ញុំនឹងបរិចា្ចគទៅជូនដល់មន្ទីពេទ្យគន្ធបុប្ផាតែម្តង។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ