សារព័ត៌មាន«អាំងដេប៉ង់ដង់»របស់អង់គ្លេសកាលពីពេល ថ្មីៗកន្លងមកផ្សាយថា បុរសឈ្មោះកេនណេត ដាកឡាស់ អាយុ៦០ឆ្នាំ អតីតអាចារ្យខ្មោចប្រចាំការនៅកន្លែងរក្សាទុកសពក្នុងតំបន់«ហាមីលតុនខោនទី» រដ្ឋអូហាយយ៉ូ សហរដ្ឋអាមេរិក ពីឆ្នាំ១៩៧៦ដល់១៩៩២ បានសារភាពថា គាត់ធ្លាប់រំលោភសពស្ត្រីជាច្រើននាក់នៅពេលយប់ជាអំឡុងពេលដែលគាត់ប្រចាំការ ។
ក្នុងឆ្នាំ១៩៩១ និង១៩៩២ កេនណេត ដាកឡាស់ បានរំលោភសពស្ត្រីដែលត្រូវគេធ្វើឃាតចំនួន២នាក់ ។ បើគិតសរុបក្នុងរយៈពេល១៦ឆ្នាំ អាចារ្យខ្មោចនោះបានរំលោភសពច្រើនជាង១០០នាក់ ។ លោកកេនណេត ដាកឡាស់ បញ្ជាក់ប្រាប់តុលាការថា នៅពេលស្ងាត់គេបានស្រាតខោសពចេញ ហើយរួមរ័កតែម្ដង ។ ក្រុមគ្រួសារសពរងគ្រោះខឹងអាចារ្យខ្មោចនោះណាស់ ព្រមទាំងខឹងអាជ្ញាធរក្នុងតំបន់ដែលបណ្ដែតបណ្ដោយឱ្យហេតុការណ៍អាក្រក់បែបនោះកើតឡើង ។
ប្រពន្ធរបស់លោកកេនណេត ដាកឡាស់ ឆ្លើយប្រាប់តុលាការថា គាត់ធ្លាប់រាយការណ៍ទៅអាជ្ញាធរតំបន់ហាមីលតុនសីុធីថា គាត់សង្ស័យប្ដីរួមរ័កជាមួយសព ប៉ុន្តែអាជ្ញាធរមិនអើពើ ដោយតបថា វាជាកិច្ចការផ្ទៃក្នុងរបស់អាជ្ញាធរ ។ករណីរំលោភសពនេះបានលាតត្រដាងនៅឆ្នាំ២០០៨ និងធ្វើឱ្យលោកកេនណាត ដាកឡាស់ ជាប់ពន្ធនាគារតាំងពីពេលនោះមក ។ ការបែកធ្លាយក្រោយពីអាជ្ញាធរពិនិត្យសាកសពមាននាងខារ៉េន រ៉េន អាយុ១៩ឆ្នាំ ដែលត្រូវគេធ្វើឃាតមានទឹកកាមបុរសក្នុងប្រដាប់ភេទ ។
ឃាតករបានសារភាពថា គេបានសម្លាប់នាងខារ៉េន រ៉េន ពិតមែន ប៉ុន្តែមិនបានចាប់រំលោភទេ ។ បន្ទាប់មកសមត្ថកិច្ចស្រាវជ្រាវទើបដឹងថា លោកកេនណេត ដាកឡាស់ ជាអ្នករំលោភ ។ បច្ចុប្បន្នតុលាការបន្តសាកសួររកកំហុសរបស់អាចារ្យខ្មោចរូបនោះនិងពិចារណាដាក់ទោសបន្ថែមទៀត ។សពនាងខារ៉េន រ៉េន ជាសពដែលត្រូវគេសម្លាប់ដោយកាត់ក្បាល ។ ចំណែកសពផ្សេងទៀតដែលលោកកេនណាត ដាឡាស់ ចាប់រំលោភរួមមាន សពលោតធ្វើអត្តឃាតពីជាន់ទី៣ និងស្ត្រីអាយុ២៣ឆ្នាំដែលចងកសម្លាប់ខ្លួនខណៈពេលមានគភ៌៦ខែ ៕
ចែករំលែកព័តមាននេះ