១- ក្រុងបុរាណនៅអីុតាលី
អ្នកទេសចរបានទស្សនាអឌ្ឍចន្ទបុរាណនៅក្រុងPompeii ដែលទើបជួសជុល និងបើកឱ្យពលរដ្ឋចូលទស្សនា គឺក្រុងរ៉ូមាំុងដែលកប់បាត់និងបានបង្កើតឡើងកាលពី៥៥០ឆ្នាំមុនគ្រឹស្ដសករាជ ។
២-បង្ហាញជំនាញជិះសេះ
អ្នកជិះសេះបង្ហាញពីជំនាញជិះសេះក្នុងការប្រកួតនៅក្រុងអាបា ខេត្តសីុឈួន ភាគខាងត្បូងប្រទេសចិនដោយមានបេក្ខជនចូលរួមប្រកួតចំនួន៣០០នាក់ ចែកចេញជា១៥ក្រុមមកពីទូទាំងប្រទេស ។
៣- ប្រឡៅកហាមព្រុស
ក្រុមហ៊ុនHammacher Schlemmerនៅសហរដ្ឋអាមេរិកបានផលិតឧបករណ៍ពិសេសសម្រាប់អ្នកដែលមានឆ្កែពូកែព្រុសគឺ«ប្រឡៅដើម្បីទប់ស្កាត់ការព្រុស »។ នៅពេលឆ្កែព្រុសប្រឡៅនឹងបញ្ចេញប្រព័ន្ធរំញោចគ្មានគ្រោះថ្នាក់ដល់ឆ្កែ ប៉ុន្តែអាចធ្វើឱ្យផ្អាកការព្រុស ។
៤- កណ្ដុរប្រមោយដំរី
កណ្ដុរប្រមោយដំរីជាប្រភេទសត្វចិញ្ចឹមកូនដោយទឹកដោះប្រទះឃើញនៅតំបន់ធ្លាប់មានភ្នំភ្លើងក្នុងប្រទេសណាមីប៊ី ។ វាមានដងខ្លួនតូចប្រវែង១៧សង្ទីម៉ែត្រ និងទម្ងន់២៨ក្រាមនិងច្រមុះវែងស្រដៀងប្រមោយដំរី ។
៥- មេនិងកូនខ្លាឃ្មុំតំបន់ប៉ូល
«ជីអូវ៉ានណា» មេខ្លាឃ្មុំតំបន់ប៉ូលបង្ហាញអាការហាក់ដូចជាចង់នាំ«នេឡា»និង«ណុបប៊ី»ជាកូនភ្លោះពណ៌សលេងទឹកនៅឧទ្យានសត្វ ក្នុងក្រុងមុយនិក ប្រទេសអាល្លឺម៉ង់ ។
៦- ហាត់សមត្រៀមឡើងអវកាស
លោកជេហ្វហ្វ្រ៊ី វីលលៀម អវកាសយានិកជនជាតិអាមេរិកចូលរួមហ្វឹកហាត់ការចុះចតរបស់យានអវកាសនៅក្នុងទឹកនៅក្រុងមូស្គូមុនពេលធ្វើដំណើរទៅស្ថានីយអវកាសអន្តរជាតិក្នុងឆ្នាំ២០១៦ ។
៧-ប្រារព្ធពិធីសុំទឹកភ្លៀង
អ្នកបួសជនជាតិឥណ្ឌាបាននាំសាសនិកមូស្លុីមភាវនាធម៌នៅវិហារមួយក្នុងក្រុងអាម៉ាដាបាដរដ្ឋឃុចរ៉ាតដើម្បីសុំឱ្យមានទឹកភ្លៀងតាមរដូវកាលខណៈរដ្ឋនោះជួបប្រទះនឹងគ្រោះរាំងស្ងួតអស់រយៈពេលជាច្រើនខែ ។
៨-ស្លាករថយន្តទំនើបទាន់សម័យ
ស្លាករថយន្ត«Audi S3» បានតាំងបង្ហាញក្នុងពិព័រណ៍នៅក្រុងសាន់ហ្វ្រាន់សីុស្កូ សហរដ្ឋអាមេរិក ។ រថយន្តនោះមានភ្ជាប់ប្រព័ន្ធបច្ចេកវិទ្យាសម្រាប់បើកបរទាំងប្រព័ន្ធនាំផ្លូវ ការទាក់ទង និងទទួលបញ្ជាដោយសំឡេង ។ រថយន្តទំនើបនេះចេញលក់នៅក្នុងឆ្នាំ២០១៤ ។
៩- ក្មេងតូចស្ថិតក្នុងឈុតសម្ដែងហីុ
ក្មេងស្រីម្នាក់តុបតែងខ្លួននៅមុនពេលឡើងសម្ដែងល្ខោនហីុនៅជាយក្រុងហ៊ូហុត តំបន់គ្រប់គ្រងពិសេសម៉ុងហ្គោលីក្នុងប្រទេសចិន ៕
ចែករំលែកព័តមាននេះ