មនុស្សខ្សោយគំហើញ និងពិការភ្នែកភាគច្រើនមានអាយុលើសពី៥០ឆ្នាំ និងរស់នៅក្នុងបណ្ដាប្រទេសកំពុងអភិវឌ្ឍន៍ ។ មូលហេតុចម្បងគឺ ជំងឺភ្នែកឡើងបាយ និងកំហុសនៃលទ្ធភាពបង្វែរពន្លឺមិនអាចកែបាន។ នៅប្រទេសកម្ពុជា ជំងឺភ្នែកឡើងបាយតែមួយទទួលខុសត្រូវលើការពិការភ្នែក៦៩%។
តើជំងឺភ្នែកឡើងបាយជាអ្វី ?
ជំងឺភ្នែកឡើងបាយកើតឡើង នៅពេលកញ្ចក់ភ្នែកធម្មជាតិខាងក្នុងភ្នែកប្រែពីថ្លាទៅស្រអាប់ ដែលបណ្ដាលឱ្យមានការថយចុះនូវការបញ្ជូនពន្លឺ និងគំហើញព្រិល។ រោគសញាផ្សេងទៀតអាចរួមមាន ភាពភ្ញោចនឹងភាពផ្ទុយគ្នានៃភាពភ្លឺ និងភាពងងឹតត្រូវបានកាត់បន្ថយ ការឃើញពណ៌ មានការប្រែប្រួល ពន្លឺចាំងខ្លាំង និងពន្លឺរាងរង្វង់នៅក្នុងលក្ខខណ្ឌពន្លឺខ្សោយ។
កត្ដាប្រឈមរួមមានពន្លឺព្រះអាទិត្យ អាហារូបត្ថម្ភ និងរបៀបរបបរស់នៅ (ការជក់បារី និងពិសារគ្រឿងស្រវឹង)។ មានទិន្នន័យបង្ហាញថា អាចមានធាតុសេនេទិក ឬតំណពូជចំពោះជំងឺភ្នែកឡើងបាយទាក់ទងនឹងអាយុ។
ការវះកាត់គឺជាការព្យាបាល
បច្ចុប្បន្ន មិនមានការព្យាបាលដែលមានប្រសិទ្ធភាពច្បាស់លាស់ចំពោះជំងឺភ្នែកឡើងបាយឡើយ។ ការវះកាត់ គឺជាជម្រើសចុងក្រោយតែមួយគត់ ដើម្បីស្ដារគំហើញ និងត្រូវបានបញ្ជាក់នៅពេលគំហើញមានការចុះខ្សោយ ក្នុងកម្រិតដែលសកម្មភាពនៃការរស់នៅប្រចាំថ្ងៃទទួលរងការប៉ះពាល់ ឧទាហរណ៍ ការបើកបរ និងកីឡា។
តើការវះកាត់ជំងឺភ្នែកឡើងបាយត្រូវបានធ្វើឡើងយ៉ាងដូចម្ដេច ?
ការវះកាត់ជំងឺភ្នែកឡើងបាយ គឺជាវិធីវះកាត់មួយក្នុងចំណោមវិធីវះកាត់ទូទៅបំផុត ដែលត្រូវបានអនុវត្ដនាពេលបច្ចុប្បន្ន និងមានអត្រាជោគជ័យខ្ពស់ច្រើនជាង៩០%។
ជាទូទៅវាទាមទារនូវការវះយកបាយភ្នែកចេញ និងដាក់បញ្ចូលរណបកញ្ចក់ក្នុងភ្នែកថ្លា ដែលអនុញ្ញាតឱ្យពន្លឺត្រូវបានប្រមូលផ្ដុំនៅលើស្រទាប់កែវភ្នែក។
មានវិធីវះយកបាយភ្នែកចេញសំខាន់ៗចំនួន២ គឺការវះយកបាយភ្នែក extracapsular (ECCE) និង phacoe- mulsification (Phaco)។
Phaco ត្រូវបានធ្វើឡើងតាមរយៈការវះកាត់តូចជាងប្រហែល២,៧៥មម ជាមួយនឹងការបញ្ចូល IOL ដែលអាចបត់បាន។ ដោយហេតុនេះ បច្ចេកទេសនេះមិនទាមទារនូវការដេរទេ និងនាំឱ្យទទួលបានគំហើញមកវិញកាន់តែឆាប់រហ័ស។ Phaco ត្រូវបានហៅផងដែរថា «ការវះកាត់ជំងឺភ្នែកឡើងបាយដោយមិនដេរ» និងជាវិធីទូទៅបំផុតនៃការវះកាត់ជំងឺភ្នែកឡើងបាយនៅក្នុងពិភពជឿនលឿននាពេលបច្ចុប្បន្ន។
ការវះកាត់ជំងឺភ្នែកឡើងបាយត្រូវបានធ្វើឡើងជាវិធីវះកាត់រយៈពេលមួយថ្ងៃ និងត្រូវការពេលវេលាប្រហែល៣០នាទី ដោយចាក់ថ្នាំស្ពឹក។ រយៈពេលនៃការស្នាក់នៅក្នុងមន្ទីរពេទ្យជាទូទៅ គឺពីរបីម៉ោង។ ក្នុងករណីមួយចំនួនការប្រើថ្នាំរំងាប់អារម្មណ៍អាចត្រូវបានផ្ដល់ដល់អ្នកជំងឺដែលមានការភ័យបារម្ភជ្រុលហួសហេតុ។
ប្រភេទរណបកញ្ចក់ក្នុងភ្នែក (IOLs)
មានប្រភេទផ្សេងៗនៃ IOLs ដែលធ្វើឱ្យគុណភាពគំហើញមានភាពខុសគ្នា ក្រោយពីការវះកាត់។ ប្រភេទទាំងនោះ គឺ ៖
*Monofocal IOL
Monofocal IOLs អនុញ្ញាតឱ្យមើលឃើញឆ្ងាយច្បាស់ ដោយមិនពាក់វ៉ែនតា ប្រសិនបើមិនមានជំងឺអាស្ទីម៉ាតដែលមាន ជាមុនរួចជាស្រេច ប៉ុន្ដែអ្នកជំងឺនឹងត្រូវការវ៉ែនតាអានអក្សរ ដើម្បីមើលឃើញវត្ថុនៅជិត។
*Toric IOL
Toric IOLs កែតម្រូវជំងឺអាស្ទីម៉ាតដែលមានជាមុនរួចជាស្រេច ដើម្បីអនុញ្ញាតឱ្យមើលឃើញឆ្ងាយកាន់តែច្បាស់ ដោយមិនពាក់វ៉ែនតា ប៉ុន្ដែដូចរណប monofocal ដែរ វ៉ែនតាអានអក្សរនឹងនៅតែត្រូវការដដែល។
*Multifocal IOL និង Multifocal Toric IOL
កញ្ចក់ Multifocal និង Multifocal Toric និយាយម្យ៉ាងទៀត មានគោលបំណងផ្ដល់គំហើញច្បាស់ទាំងនៅជិតទាំងនៅឆ្ងាយ ដោយមិនចាំបាច់មានវ៉ែនតា។ កញ្ចក់ទាំងនេះក៏ត្រូវបានហៅថា IOLs “presbyopia correcting” ផងដែរ។
ការជ្រើសរើសរណប គឺអាស្រ័យលើសុខភាពភ្នែក និងចំណង់ចំណូលចិត្ដរបស់អ្នកជំងឺ។ ការសម្រេចចិត្ដត្រូវបានធ្វើឡើង តែនៅក្រោយការពិនិត្យភ្នែកពេញលេញដោយអ្នកឯកទេសប៉ុណ្ណោះ។
ការជាសះស្បើយ
ជាធម្មតា ថ្នាំបន្ដក់ភ្នែកស្ដេរ៉យ និងអង់ទីប៊ីយ៉ូទិកត្រូវបានចេញវេជ្ជបញ្ជាឱ្យប្រើសម្រាប់រយៈពេលប្រហែលពី៤ទៅ៦សប្ដាហ៍ បន្ទាប់ពីការវះកាត់ជំងឺភ្នែកឡើងបាយ។ ការជាសះស្បើយនៃគំហើញទំនងជាមានភាពប្រសើរឡើងនៅក្នុងរយៈពេល១-២សបា្ដហ៍ដំបូង ទោះបីជាអ្នកជំងឺមួយចំនួនអាចមើលឃើញយ៉ាងច្បាស់នៅថ្ងៃទីមួយក្រោយការវះកាត់ក៏ដោយ។
អត្ថបទនេះត្រូវបានសរសេរដោយវេជ្ជបណ្ឌិត Eugene Tay នាយកវេជ្ជសាស្ដ្រ និងគ្រូពេទ្យឯកទេសផ្នែកចក្ខុរោគនៃមជ្ឈមណ្ឌលគំហើញសិង្ហបុរី ជាគ្លីនិកមួយនៃ Singapore Medical Group (SMG)
វេជ្ជបណ្ឌិត Eugene Tay
MSc, MBBS (London), FRCSEd, FRCOphth, FRANZCO
វេជ្ជបណ្ឌិត Tay មានឯកទេសផ្នែកវះកាត់ជំងឺភ្នែកឡើងបាយកម្រិតធ្ងន់ គ្រប់គ្រងជំងឺក្លូកូម គ្រប់គ្រងជំងឺស្រទាប់កែវភ្នែក វះកាត់បង្វែរពន្លឺដោយឡាស៊ែរ ដែលរួមមាន ReLEx SMILE (ការដកកញ្ចក់ភ្នែកបង្វែរពន្លឺ (Refractive Lenticular Extraction) ការដកកញ្ចក់ភ្នែកដោយវះកាត់មុខកាំបិតតូច (Small Incision Lenticular Extraction) LASIK, ការវះយកជាលិកាផ្ទៃលើជឿនលឿន (Advanced Surface Ablation (ASA)) ដូចជា LASEK ការវះកាត់កែទម្រង់ភ្នែក (oculoplastic surgeries) និងជំងឺភ្នែកទូទៅ។
វេជ្ជបណ្ឌិត Tay បម្រើការងារនៅបន្ទប់ព្យាបាលជំងឺភ្នែកតាំងពីឆ្នាំ១៩៩៩ និងបានទទួលការបណ្ដុះបណ្ដាលសល្យសាស្ដ្រមូលដ្ឋាន និងជឿនលឿន នៅមន្ទីរពេទ្យភ្នែក Moorfields ដែលមានកេរ្ដិ៍ឈ្មោះជាអន្ដរជាតិនៅទីក្រុងឡុងដ៍។
អំពីអេសអឹមជី – SMG (ស៊ីងហ្គាពួរមេឌីខលគ្រូប Singapore Medical Group )
អេសអឹមជី – (SMG) គឺជាអ្នកផ្ដល់ការថែទាំសុខភាព ឯកទេសឯកជនមួយដែលមានបណ្ដាញគ្រួពេទ្យ ឯកទេសចំនួន២២ ។ ក្រុមការងារនេះ ប្ដេជ្ញាចិត្ដបំពេញការសន្យារបស់ខ្លួនក្នុងការផ្ដល់ការថែទាំ និងបទពិសោធន៍ផ្នែកវេជ្ជសាស្ដ្រដោយ ផ្ដោតលើអ្នកជំងឺដល់បុគ្គលគ្រប់រូប។
បច្ចុប្បន្ន ក្រុមការងារនេះមានគ្លីនិកសរុបចំនួន១៤កន្លែង ដែលមានទីតាំងយុទ្ធសាស្ដ្រនៅក្នុងមជ្ឈមណ្ឌលឯកទេស Paragon មជ្ឈមណ្ឌលឯកទេស Mount Elizabeth Novena មជ្ឈមណ្ឌលវេជ្ជសាស្ដ្រ Novena និងមជ្ឈមណ្ឌលវេជ្ជសាស្ដ្រ Gleneagles ដែលមានបណ្ដាញគ្លីនិក SMGAssociates កាន់តែច្រើនឡើងៗ។
សម្រាប់ព័ត៌មានបន្ថែម សូមទំនាក់ទំនង
បុគ្គលិកខ្មែរប្រចាំ អេសអឹមជី (SMG)
ទូរស័ព្ទទំនាក់ទំនង២៤ម៉ោង ៖ +៦៥ ៩៨៤២ ៣៥៦០
អ៊ីម៉េល ៖ vanessa.sophors@smg.sg
ទីស្នាក់ការ អេសអឹមជី – SMG ប្រចាំនៅកម្ពុជា
ទូរស័ព្ទ ៖ ០៩២ ៨៥២ ៩២៣, ០៩៧៧ ៦៦៨ ២៦៦
អីុម៉េល ៖ enquiry@singaporemedical.sg
វែបសាយ ៖ www.singaporemedical.sg
ចែករំលែកព័តមាននេះ