ភ្នំពេញ ថ្ងៃទី២៣ សីហា ២០១៤ ៖ ក្រុមហ៊ុន Huawei ដែលជាក្រុមហ៊ុនផ្តល់ដំណោះស្រាយផ្នែកព័ត៌មានវិទ្យា និងបច្ចេកវិជ្ជាទូរគមនាគមន៍ (ICT) ដ៏ឈានមុខគេ និងជាក្រុមហ៊ុនទូរស័ព្ទ Smartphone ដ៏ធំលេខ៣ លើពិភពលោក បានបង្កើតកម្មវិធីពិសេសមួយសម្រាប់អតិថិជនរបស់ខ្លួនដោយរាល់ការជាវទូរស័ព្ទ Huawei ពីហាងទំនើបហូវៃឌឹវ័ន្ត ម៉ូបាល អតិថិជនទាំងអស់នឹងទទួលបានការបន្ថែមជូនភ្លាមៗចាប់ពីថ្ងៃទី១៨ ដល់ថ្ងៃទី៣០ សីហា ២០១៤ នេះតទៅ។
គួររម្លឹកថា កម្មវិធីឈ្នះរង្វាន់ក្នុងក្តីសុបិននេះបានចាប់ផ្តើមតាំងពីថ្ងៃទី៥ ខែមិថុនាមកម្ល៉េះ ហើយបានបន្តរហូតមកដល់ថ្ងៃទី១០ខែសីហានេះ ដោយការចាប់ឆ្នោតលើកទី១ បានប្រព្រឹត្តទៅនៅថ្ងៃទី២២ ខែកក្កដា និងលើកទី២ នៅថ្ងៃទី១០ ខែសីហា ថ្មីៗនេះ និងមានការផ្សាយបន្តផ្ទាល់ពីកម្មវិធីតន្ត្រីពិសេស របស់ស្ថានីយទូរទស្សន៍ ហង្សមាស ដោយអ្នកឈ្នះរង្វាន់ទាំងអស់ នឹងត្រូវមកទទួលរង្វាន់នៅថ្ងៃទី២៣ ខែសីហា នៅហាងទំនើប ហូវៃ ឌឹវ័ន្តម៉ូបាល ជាមួយនឹងប្រូម៉ូហ្សិន ថែមអស់ស្ទះពីហូវៃ ចាប់ពីថ្ងៃទី១៨ ដល់ ៣០ ខែសីហា ឆ្នាំ២០១៤។
លោក អែម យុទ្ធូ ដែលជានាយកជាន់ខ្ពស់ផ្នែកទីផ្សារបស់ក្រុមហ៊ុន Huawei បានមានប្រសាសន៍ពន្យល់ថា «រយៈពេលធ្វើប្រូម៉ូហ្សិនរបស់ក្រុមហ៊ុនទូរស័ព្ទ Huawei បានចាប់ផ្តើមតាំងពីថ្ងៃទី៥ ខែមិថុនា ដល់ថ្ងៃទី១០ ខែសីហា ឆ្នាំ២០១៤ មកម្ល៉េះ ដោយឡែកកម្មវិធីប្រូម៉ូហ្សិនពិសេស នឹងធ្វើឡើងនៅហាងទំនើបហូវៃឌឹវ័ន្តម៉ូបាល»។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ