ទោះជាយ៉ាងនេះក្តី ការសិក្សានេះគឺគ្រាន់តែភ្ជាប់ពីទំនាក់ទំនងប៉ុណ្ណោះ ពោលគឺពុំបានបង្ហាញជាភស្តុតាងជាក់ស្តែងនោះឡើយ ។ វាអាចមានអភូតហេតុណាមួយកើតឡើងចំពោះអ្នកផឹកកាហ្វេក្នុងពេលពិសោធតាមដាន ហើយដែលអភូតហេតុនោះបានជួយឱ្យពួកគេថយចុះហានិភ័យពីមហារីកថ្លើម ។
ការសិក្សាថ្មីមួយបស់អ្នកវិទ្យាសាស្ត្រអាមេរិកបានភ្ជាប់ការទទួលទានកាហ្វេទៅនឹងលទ្ធភាពនៃការធ្វើឱ្យថយចុះនូវហានិភ័យកើតជំងឺមហារីកថ្លើម ។ ការពិសោធលើមនុស្ស១៨ម៉ឺននាក់រយៈពេល១៨ឆ្នាំបានរកឃើញថា អ្នកដែលផឹកចន្លោះពី១ពែងទៅ៣ពែងក្នុងមួយថ្ងៃ អាចកាត់បន្ថយហានិភ័យពីជំងឺមហារីកថ្លើមបាន២៩ភាគរយប្រៀបធៀបទៅនឹងអ្នកដែលផឹកត្រឹម៦ពែងឬតិចជាងនេះក្នុងមួយសប្តាហ៍ ។ ចំណែកអ្នកដែលផឹកជាប្រចាំចាប់ពី៤ពែងឡើងទៅក្នុងមួយថ្ងៃគឺអាចកាត់បន្ថយហានិភ័យបាន៤២ភាគរយ ។
ទោះជាយ៉ាងនេះក្តី ការសិក្សានេះគឺគ្រាន់តែភ្ជាប់ពីទំនាក់ទំនងប៉ុណ្ណោះ ពោលគឺពុំបានបង្ហាញជាភស្តុតាងជាក់ស្តែងនោះឡើយ ។ វាអាចមានអភូតហេតុណាមួយកើតឡើងចំពោះអ្នកផឹកកាហ្វេក្នុងពេលពិសោធតាមដាន ហើយដែលអភូតហេតុនោះបានជួយឱ្យពួកគេថយចុះហានិភ័យពីមហារីកថ្លើម ។
ដោយឡែក ការសិក្សាស្រាវជ្រាវមួយធ្វើឡើងដោយអ្នកវិទ្យាសាស្ត្រមកពីសាកលវិទ្យាល័យ Harvard Universityបានបង្ហាញថា ផឹកកាហ្វេត្រឹម១ពែងកន្លះរៀងរាល់ថ្ងៃ អាចជួយកាត់បន្ថយហានិភ័យកើតជំងឺទឹកនោមផ្អែមប្រភេទ២បាន១១ភាគរយ ។ អ្នកដឹកនាំការសិក្សា វេជ្ជបណ្ឌិត Dr Frank Huបានថ្លែងថា ៖«ការផ្លាស់ប្តូរទម្លាប់ទទួលទានបានលេចចេញជាប្រយោជន៍ក្នុងការជួយកាត់បន្ថយហានិភ័យជំងឺទឹកនោមផ្អែមប្រភេទ២ »។
យ៉ាងណាក៏ដោយ លទ្ធផលនៃការសិក្សាទាំងនេះនៅមិនទាន់មានការទទួលស្គាល់ពីសំណាក់អ្នកឯកទេសមួយចំនួននោះទេដ្បិត ជាទូទៅការផឹកកាហ្វេច្រើនត្រូវគេដឹងថាអាចនាំឱ្យប៉ះពាល់ដល់សុខភាពទៅវិញជាពិសេសគឺសុខភាពបេះដូង ។ វេជ្ជបណ្ឌិត Richard Elliott មកពីមជ្ឈមណ្ឌលស្រាវជ្រាវជំងឺទឹកនោមផ្អែមចក្រភពអង់គ្លេសបានថ្លែងថា ៖«កត្តាផ្សេងៗទៀតដែលការសិក្សានេះមិនបានរាប់បញ្ចូលអាចនឹងជាប់ពាក់ព័ន្ធផងដែរ ។ អ្វីដែលយើងដឹងច្បាស់គឺថា វិធីល្អបំផុតកាត់បន្ថយហានិភ័យកើតមានជំងឺទឹកនោមផ្អែមប្រភេទ២គឺរក្សាទម្ងន់ខ្លួនឱ្យបានថេរ ទទួលទានរបបអាហារផ្តល់អត្ថប្រយោជន៍ចំពោះសុខភាពនិងត្រូវហាត់ប្រាណជាប្រចាំ »៕
ចែករំលែកព័តមាននេះ