ស្ត្រីក្នុងវ័យគ្រប់ការ គឺជាដំណាក់កាលនៃការផ្លាស់ប្តូរសិរីរាង្គមានការលូតលាស់យ៉ាងលឿន ទាំងការដកកម្ពស់ ទម្ងន់ និងឥរិយាបថ ។ ហេតុនេះ ដើម្បីឱ្យការលូតលាស់មានលក្ខណៈល្អប្រសើរនោះ សុភាពនារីក៏ដូចជាមាតាគួរណែនាំ និងអនុវត្តតាមវិធីដូចខាងក្រោម៖
ស្ត្រីក្នុងវ័យគ្រប់ការ គឺជាដំណាក់កាលនៃការផ្លាស់ប្តូរសិរីរាង្គមានការលូតលាស់យ៉ាងលឿន ទាំងការដកកម្ពស់ ទម្ងន់ និងឥរិយាបថ ។ ហេតុនេះ ដើម្បីឱ្យការលូតលាស់មានលក្ខណៈល្អប្រសើរនោះ សុភាពនារីក៏ដូចជាមាតាគួរណែនាំ និងអនុវត្តតាមវិធីដូចខាងក្រោម៖
-ការគ្រប់គ្រងរបបអាហារៈ រាល់ការទទួលទាន ត្រូវតែមានជីវជាតិគ្រប់ចំណុះទើបធានាបាននូវការលូតលាស់ល្អប្រសើរ ប្រសិនបើការទទួលទានមិនគ្រប់គ្រាន់ ធ្វើឱ្យសរីរាង្គស្គមស្គាំងស្លេកស្លាំង តែបើហូបចុកជ្រុលហួស សរីរាង្គក៏មានការលូតលាស់មិនស្មើគ្នាដែរ គឺអាចទៅជាធាត់រីកតែទទឹង គ្មានកម្ពស់ ។ ក្នុងដំណាក់កាលផ្លាស់ប្តូរនេះ សរីរាង្គលូតលាស់យ៉ាងឆាប់រហ័ស ហើយស្ត្រីត្រូវយកចិត្តទុកដាក់ក្នុងការទទួលទានអាហារដែលល្អ និងមានគ្រប់ជីវជាតិ មិនមែនគ្រាន់តែទទួលទានសាច់ច្រើន គឺល្អនោះទេ ត្រូវទទួលទានបន្លែបង្ការគ្រប់មុខផងដែរ ។
-ការស្លៀកពាក់ៈ នៅក្នុងវ័យនេះមាតាគ្រប់រូបគួរតែត្រៀមជាស្រេចនូវសម្លៀកបំពាក់សម្រាប់កូនស្រីរបស់លោកអ្នក ជាពិសេសគឺសម្លៀកបំពាក់ផ្នែកខាងក្នុង(អាវទ្រនាប់ ខោទ្រនាប់) ។ នារីមួយចំនួន ដែលទើបតែឈានដល់វ័យក្រមុំ ដើមទ្រូងមានការរីកធំ ដូច្នេះការពាក់អាវទ្រនាប់ គឺជាការបិទបាំងនូវការអៀនខ្មាសរបស់ស្ត្រី ជាពិសេសមិនត្រូវពាក់អាវទ្រនាប់ណាដែលតឹងឬរឹបពេកទេ ព្រោះអាចមានគ្រោះថ្នាក់នៅពេលដកដង្ហើមចេញចូល និងអាចបណ្តាលឱ្យកើតមានបញ្ហារលាកស្បែក ។ រាល់ពេលបោកសម្លៀកបំពាក់ត្រូវដាក់ហាលឱ្យចំកម្តៅថ្ងៃ ដើម្បីសម្លាប់មេរោគ ។ ជាពិសេសសំទ្បីអនាម័យក៏ត្រូវមានទុកជាប្រចាំ ការពារពេលមករដូវ ។
-ក្រៅពីការស្លៀកពាក់និងការហូបចុក ស្ត្រីគ្រប់រូបក៏ត្រូវមានវិធានការអនាម័យនិងការធ្វើលំហាត់ប្រាណឱ្យបានទៀងទាត់ផងដែរ ដើម្បីឱ្យសុខភាពកាន់តែល្អប្រសើរទ្បើង ។ ការហាត់ប្រាណ គឺមានសារៈសំខាន់ខ្លាំងណាស់ លើកកម្ពស់សុវត្ថិភាពសុខភាព ហើយធ្វើទៅតាមក្បួនខ្នាតនៃលំហាត់ប្រាណ ។
ស្ត្រីក្រមុំគឺជាវ័យដែលកំពុងលូតលាស់គ្រប់អាការៈទាំង៣២ប្រការ ដែលមាននៅក្នុងរូបកាយ ត្រូវចេះជ្រើសរើសយកការហាត់ប្រាណជាជំនួយ ដើម្បីឱ្យការលូតលាស់កាន់តែមានភាពល្អប្រសើរ ។ ចលនាកំរើកម្តុំពោះ ត្រគោកសន្លាក់ដៃជើង ឆ្អឹងខ្នង ជាជំនួយដល់សរសៃស្បូន ឱ្យមានចលនាល្អ និងគេងលក់ស្រួល ៕
ចែករំលែកព័តមាននេះ