រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់ ត្រូវនគរបាលផ្នែកព្រហ្មទណ្ឌខណ្ឌ៧មករា ឃាត់ខ្លួន កាលពីវេលាម៉ោង៦ និង៣០នាទីល្ងាច ថ្ងៃទី២៣ សីហា បន្ទាប់ពីធ្វើសកម្មភាពឆក់ទូរសព្ទ័ដៃអ្នកដំណើរមិនបានសម្រេចហើយជិះគេចខ្លួនទៅបុកគូទរថយន្តគេបណ្តាលឱ្យដួល ។
រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់ ត្រូវនគរបាលផ្នែកព្រហ្មទណ្ឌខណ្ឌ៧មករា ឃាត់ខ្លួន កាលពីវេលាម៉ោង៦ និង៣០នាទីល្ងាច ថ្ងៃទី២៣ សីហា បន្ទាប់ពីធ្វើសកម្មភាពឆក់ទូរសព្ទ័ដៃអ្នកដំណើរមិនបានសម្រេចហើយជិះគេចខ្លួនទៅបុកគូទរថយន្តគេបណ្តាលឱ្យដួល ។
យុវជនសង្ស័យដែលត្រូវសមត្ថកិច្ចឃាត់ខ្លួនឈ្មោះមិន វណ្ណា អាយុ២៦ឆ្នាំ ស្នាក់នៅផ្ទះជួលក្នុងសង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ។ បើតាមសមត្ថកិច្ចផ្នែកព្រហ្មទណ្ឌខណ្ឌ៧មករាឲ្យដឹងថា នៅវេលាម៉ោងខាងលើជនរងគ្រោះឈ្មោះអ៊ុល សុមុនី ភេទប្រុស អាយុ៣២ឆ្នាំ មុខរបរជាជាងជួសជុលកុំព្យូទរ័ បានដើរចេញពីហាងលក់ម្ហូបបួស ដែលមានទីតាំងស្ថិតនៅផ្ទះលេខ៤២អឺ០ ផ្លូវ១៤៣ សង្កាត់វាលវង់ ខណ្ឌ៧មករា ជាមួយប្អូនស្រី ។ ពេលនោះស្រាប់តែមានចោរ២នាក់ជិះម៉ូតូម៉ាកនិច ពណ៍ខ្មៅ១គ្រឿង បានធ្វើសកម្មភាពឆក់ទូរសព្ទ័ពីដៃជនរងគ្រោះដែលកំពុងកាន់ដើរចុចលេងហ្គេម តែមិនបានសម្រេចទេ ។
ក្រោយពីចោរឆក់ទូរសព្ទ័ជនរងគ្រោះមិនបានសម្រេច ពួកគេបានជិះម៉ូតូបោះពួយយ៉ាងលឿនទៅមុខ លុះដល់ផ្លូវលេខ១៤៣កែងនឹងផ្លូវ២៣៦ ទំនងជាភ័យពេកជនសង្ស័យបានបើកម៉ូតូភ្លាត់ស្នៀតទៅបុកគូទរថយន្តគេបណ្តាលឱ្យដួល ពេលនោះបក្សពួកម្នាក់បានរត់គេចខ្លួនបាត់ ចំណែកម្នាក់ងើបមិនទាន់សមត្ថកិច្ចដាក់ខ្នោះនាំទៅកាន់អធិការដ្ឋាននគរបាលខណ្ឌ៧មករា តែម្តងទៅ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ