រាជធានីភ្នំពេញ ៖ រនាំងដែកពុះចែកទ្រូងផ្លូវចំនួន១១ផ្ទាំងត្រូវបានដួលបាក់រប៉ាត់រប៉ាយពេញផ្លូវដោយសារបុរសជនជាតិចិនម្នាក់បានបើករថយន្តឡិចស៊ីសRX-300 មួយគ្រឿងយ៉ាងឡើងមកបុករៈ កាលពីវេលាម៉ោង១២ រំលងអាធ្រាត្រ ឈានចូលថ្ងៃទី២៤ សីហា ២០១៤ នៅចំណុចមុខអាកាសយានភ្នំពេញអន្តរជាតិ តាមបណ្តោយមហាវិថី សហព័ន្ធរុស្សី ស្ថិតនៅក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តឡិចស៊ីសRX-300មួួយគ្រឿងពា ក់ស្លាកលេខភ្នំពេញ 2U-4930 បើកដោយបុរសជនជាតិចិនម្នាក់ យ៉ាងលឿនតាមមហាវិថីសហព័ន្ធរុស្ស៊ី ក្នុងទិសដៅពីកើត លិច មកដល់ចំណុចកើតហេតុរថយន្តបានមកបុករៈរនាំងដែកពុះចែកទ្រូងផ្លូវ ពេញទំហឹងបណ្តាលឱ្យរនាំងដែកពុះចែកទ្រូងផ្លូវចំនួន១១ផ្ទាំងដួលបាក់រប៉ាត់រប៉ាយពេញផ្លូវ ហើយដាច់កង់ខ្ទេចមួយកំណាត់មុខបើកទៅមុខលែងរួចតែម្តង។
ក្រោយពេលកើតហេតុសមត្ថកិច្ចបានមកធ្វើការវាស់វែងយករថយន្តបង្កខាងលើទៅរក្សាទុកនៅការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីដោះស្រាយគ្នាតាមនិតិវិធីច្បាប់ ។
ចែករំលែកព័តមាននេះ