ខេត្តបន្ទាយមានជ័យ ៖ សពបុរសចំណាស់ម្នាក់ត្រូវគេប្រទះឃើញអណ្តែតទឹក កាលពីវេលាម៉ោង៦ព្រឹកថ្ងៃទី២៣ សីហា ២០១៤ ស្ថិតក្នុងភូមិវត្តចាស់ ឃុំថ្មពួក ខេត្តបន្ទាយមានជ័យ បន្ទាប់ពីយកមងទៅដាក់នៅក្នុងស្រះចម្ងាយពីភូមិ៣០០ម៉ែត្រ ហើយត្រូវលង់ទឹកស្លាប់ ។
ប្រភពបានឱ្យដឹងថា ជនរងគ្រោះឈ្មោះវ៉ន ដៀង អាយុ៥៧ឆ្នាំ មានទីលំនៅក្នុងភូមិវត្តចាស់ ឃុំថ្មពួក ស្រុកថ្មពួក ខេត្តបន្ទាយមានជ័យ ។
បើតាមស្ត្រីជាប្រពន្ធបានឱ្យដឹងថា នៅល្ងាចថ្ងៃទី២២ សីហា ២០១៤ ប្តីរបស់គាត់បានទៅផឹកស្រា រួចត្រឡប់មកផ្ទះវិញប្រាប់ថា យកមងទៅដាក់ មិនដឹងជាដាក់ឯណាទេ ពេលទៅនោះ ក៏បាត់រូបគាត់ និងកូនៗបាននាំគ្នាដើររក ក៏មិនឃើញ មកសួរនៅកន្លែងដែលគាត់តែងធ្លាប់អង្គុយផឹកស្រា ក៏មិនឃើញ ។ លុះព្រឹកឡើង មានគេមកប្រាប់ថា ឃើញសពប្តីគាត់ស្លាប់អណ្តែតក្នុងទឹកស្រះខាងកើតភូមិ៣០០ម៉ែត្រ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ