ខេត្តបន្ទាយមានជ័យ ៖ ទូកចំនួន២៧គ្រឿង ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវបានរៀបចំធ្វើពិធីប្រគល់ជូនស្នងការដ្ឋាននគរបាលខេត្តបន្ទាយមានជ័យ នៅថ្ងៃទី២២ សីហា ២០១៤ ក្រោមវត្តមានចូលរួមពីលោក គោស៊ុំ សារឿត អភិបាលនៃគណៈអភិបាលខេត្តបន្ទាយមានជ័យ ។
ខេត្តបន្ទាយមានជ័យ ៖ ទូកចំនួន២៧គ្រឿង ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវបានរៀបចំធ្វើពិធីប្រគល់ជូនស្នងការដ្ឋាននគរបាលខេត្តបន្ទាយមានជ័យ នៅថ្ងៃទី២២ សីហា ២០១៤ ក្រោមវត្តមានចូលរួមពីលោក គោស៊ុំ សារឿត អភិបាលនៃគណៈអភិបាលខេត្តបន្ទាយមានជ័យ ។
លោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យឱ្យដឹងថា ទូកចំនួន២៧គ្រឿងនិងអាវពោងនេះ គឺជាអំណោយដ៏ថ្លៃថ្លារបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានផ្តល់ជូនស្នងការដ្ឋាននគរបាលខេត្តបន្ទាយមានជ័យ តាមរយៈលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិ ចុះជួយខេត្តបន្ទាយមានជ័យ ក្នុងការត្រៀមជម្លៀសដឹកជញ្ជូន ប្រជាពលរដ្ឋពេលមានទឹកជំនន់មកដល់នាពេលខាងមុខនេះ ដែលក្នុងនោះមានទូកចល័តចំនួន២០គ្រឿង និងទូកធំបំពាក់ដោយម៉ាស៊ីនចំនួន៧គ្រឿង រួមទាំងអាវពោងមួយចំនួនទៀត ។
ក្នុងឱកានោះដែរ លោកគោស៊ុំ សារឿត អភិបាលខេត្តបន្ទាយមានជ័យ មានប្រសាសន៍ថា ខេត្តបន្ទាយមានជ័យ ក្នុងរយៈពេលប៉ុន្មានឆ្នាំកន្លងទៅនេះ បានរងគ្រោះយ៉ាងធ្ងន់ធ្ងរ ដោយសារទឹកជំនន់ជាប់ៗគ្នា បើទោះបីឆ្នាំនេះនៅតាមបណ្តាខេត្តមួយចំនួន ជាប់ទន្លេមេគង្គរងគ្រោះដោយទឹកជំនន់ តែខេត្តបន្ទាយមានជ័យយើងនៅមិនទាន់រងផលប៉ះពាល់ក៏ដោយ គឺយើងត្រូវតែប្រើប្រាស់នូវវិធានការសរុប មធ្យោបាយសរុប កម្លាំងសរុប ត្រៀមសង្គ្រោះពលរដ្ឋដែលរងគ្រោះដោយទឹកជំនន់ ពេលខាងមុខដែលនឹងអាចកើតមាននៅពាក់កណ្តាលខែតុលានិងខែវិច្ឆិកា ព្រមទាំងនឹងទឹកជំនន់ហូរពីប្រទេសថៃ។ ជាមួយគ្នានោះដែរលោកក៏បានថ្លែងអំណរគុណ សម្តេចតេជោ ហ៊ុន សែន នាយករដ្ឋមន្ត្រីនៃព្រះ រាជាណាចក្រកម្ពុជា ដែលបានផ្តល់ទូកចំនួន២៧គ្រឿង មកស្នងការដ្ឋាននគរបាលខេត្ត តាមរយៈលោកឧបនាយករដ្ឋមន្ត្រីកែ គឹមយ៉ាន ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិ ចុះជួយខេត្តបន្ទាយមានជ័យ នាពេលនេះ សម្រាប់ការជួយដឹកជញ្ជូន ជម្លៀសប្រជាពលរដ្ឋរងគ្រោះដោយទឹកជំនន់ ។
ជាមួយគ្នានោះដែរលោក គោស៊ុំ សារឿត បានផ្តាំផ្ញើដល់កម្លាំងកម្លាំងនគរបាល ត្រូវហ្វឹកហាត់រៀនសូត្រ អំពីវិធីសាស្ត្រនិងយុទ្ធវិធីសង្គ្រោះឲ្យបានស្ទាត់ជំនាញ និងត្រូវចេះថែរក្សាទូកឲ្យបានល្អ ធានាការប្រើប្រាស់បានយូរ ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ