ខេត្តព្រៃវែង ៖ លោកយាយកំសត់ម្នាក់ត្រូវបានកូនចៅបោះបង់ចោលមានឈ្មោះ ប៉ែន ផាន់ អាយុ៧៨ឆ្នាំការពិតអាយុ៨៣ឆ្នាំ ហើយបច្ចុប្បន្នកំពុងត្រូវបានគ្រូពេទ្យមន្ទីរពេទ្យបង្អែកអ្នកលឿង ជួយព្យាបាលជម្ងឺនិងមើលថែរទាំ ឥឡូវមានសប្បុរសជនដែលមានធម៌សប្បុរស អាណិតលោកយាយចាស់ជរាគ្មានទីពឹង ហើយ
ខេត្តព្រៃវែង ៖ លោកយាយកំសត់ម្នាក់ត្រូវបានកូនចៅបោះបង់ចោលមានឈ្មោះ ប៉ែន ផាន់ អាយុ៧៨ឆ្នាំការពិតអាយុ៨៣ឆ្នាំ ហើយបច្ចុប្បន្នកំពុងត្រូវបានគ្រូពេទ្យមន្ទីរពេទ្យបង្អែកអ្នកលឿង ជួយព្យាបាលជម្ងឺនិងមើលថែរទាំ ឥឡូវមានសប្បុរសជនដែលមានធម៌សប្បុរស អាណិតលោកយាយចាស់ជរាគ្មានទីពឹង ហើយកូនប្រុសបង្កើតបោះបង់ម្តាយទៅតាមប្រពន្ធ ធ្វើឱ្យលោកយាយរស់នៅម្នាក់ឯង ដូចជាក្បូនអណ្តែតនៅលើទឹកគ្មានទិសដៅ។ពេលនេះមានសប្បុរសជនជួយឧត្ថមថវិកាចំនួន២៤.៤០០0រៀល (ពីរសែនបួនមឺុនបួនពាន់រៀល) តាមរយៈសារព័ត៌មានកោះសន្តិភាព។
ភ្នាក់ងារសារព័ត៌មានកោះសន្តិភាពប្រចាំខេត្តព្រៃវែងបាននាំយកនៅថវិការនេះទៅប្រគល់ដល់លោកយាយនៅក្នុងមន្ទីរពេទ្យបង្អែកអ្នកលឿង ដោយការចូលរួមពីលោកគ្រូពេទ្យ កាង ដារ៉ា ប្រធានមន្ទីរពេទ្យបង្អែកអ្នកលឿង និងអ្នកស្រី ងួន គន្ធា ជាគ្រូពេទ្យឆ្មប ប្រចាំមន្ទីរពេទ្យនេះ ហើយជាអ្នកមើលថែរទាំលោកយាយកំសត់លើសពីកូនបង្កើតទៅទៀត។
លោកគ្រូពេទ្យ កាង ដារ៉ា ប្រធានមន្ទីរពេទ្យបង្អែកអ្នកលឿងបានមានប្រសាសន៍ឱ្យដឹងនៅល្ងាចថ្ងៃទី ២២ សីហា ២០១៤នេះថា លោក នឹងប្រគល់លោកយាយកំសត់ឱ្យទៅអាជ្ញាធរដែនដី គឺលោកអភិបាលស្រុកពាមរក៍ ដែលជាអ្នកចាត់ចែងនាំលោកយាយមកសម្រាកនិងព្យាបាលនៅក្នុងមន្ទីពេទ្យតាំងពីថ្ងៃទី៥ សីហា ២០១៤។ លោកបានបន្តថាមន្ទីរពេទ្យពុំមានលទ្ធភាពមើលថែលោកយាយអស់មួយជីវិតឡើយ ដូច្នេះមានតែអាជ្ញាធរទេ ដែលមានលទ្ធភាពរកទីជម្រកសមរម្យជូនលោកយាយ លោក ក៏បានថ្លែងអំណរគុណចំពោះសប្បុរសជនដែលបានជួយឧត្ថមថវិកាជូនដល់លោកយាយ។ សូមបញ្ចាក់ថា រហូតមកដល់ពេលនេះគេពុំឃើញមានសាច់ញាតិមកសួរនាំឬមើលថែរលោកយាយក្រៅពីអ្នកជម្ងឺដូចគ្នាឡើយ ជាពិសេសអ្នកស្រី ងួន គន្ធា ។
ចែករំលែកព័តមាននេះ