ខេត្តប៉ៃលិន ៖ កូនប្រុសពៅរបស់សមាជិកក្រុមប្រឹក្សាសង្កាត់ប៉ៃលិនម្នាក់ បានបាត់ខ្លួនអស់រយៈពេលជាង១០ថ្ងៃមកហើយ ខណៈឪពុកម្តាយកំពុងខិតខំប្រឹងប្រែងរកគ្រប់ទីកន្លែងយ៉ាងណាក៏ដោយ រហូតមកដល់ពេលនេះ នៅមិនទាន់មានពន្លឺនៅឡើយ ។
ខេត្តប៉ៃលិន ៖ កូនប្រុសពៅរបស់សមាជិកក្រុមប្រឹក្សាសង្កាត់ប៉ៃលិនម្នាក់ បានបាត់ខ្លួនអស់រយៈពេលជាង១០ថ្ងៃមកហើយ ខណៈឪពុកម្តាយកំពុងខិតខំប្រឹងប្រែងរកគ្រប់ទីកន្លែងយ៉ាងណាក៏ដោយ រហូតមកដល់ពេលនេះ នៅមិនទាន់មានពន្លឺនៅឡើយ ។
ហេតុការណ៍បាត់ខ្លួននេះ កើតឡើងកាលពីរសៀលថ្ងៃទី១១ សីហា ២០១៤ ហើយរហូតមកដល់រសៀលថ្ងៃទី២២ សីហា ២០១៤ នេះ នៅមិនទាន់មានពន្លឺណាមួយនៅឡើយទេ ខណៈដែលរូបគេទៅលេងបងប្រុសម្នាក់បួសជាព្រះសង្ឃ គង់នៅក្នុងវត្តពោធិមារាមហៅវត្តប៉ាហ៊ី ស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន លុះដេកលេងនៅទីនោះបានត្រឹមតែ១យប់ ពេលដែលបងប្រុសប្រាប់ឱ្យត្រឡប់ទៅផ្ទះវិញ បែរជារូបគេមិនចូលផ្ទះ មិនដឹងជាដើរទៅណាបាត់ស្រមោលតែម្តង ។
ករណីនេះ ត្រូវឪពុកម្តាយរបស់គេសង្ស័យថា អាចដើរទៅតាមមិត្តភក្តិម្នាក់ចូលក្នុងទឹកដីថៃ ។ ប្រភពបានឱ្យដឹងថា ក្មេងប្រុសដែលបាត់ខ្លួននោះឈ្មោះសាត សីហនាថ ហៅអាបាយក្តាំង អាយុ១០ឆ្នាំ រៀនថ្នាក់ទី៣ នៃសាលាបឋមសិក្សាសួនអំពៅ (ជាកូនពៅក្នុងចំណោមបងប្អូន៥នាក់) រស់នៅភូមិសួនអំពៅលិច សង្កាត់ប៉ៃលិន ក្រុងប៉ៃលិន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ