រាជធានីភ្នំពេញ ៖ បើទោះបីជាអាណត្តិជាប្រធានសមាគមសិល្បករខ្មែរ នឹងត្រូវបានបញ្ចប់នៅក្នុងរយៈពេលខាងមុខនេះក៏ដោយ ប៉ុន្តែតារាចម្រៀងសំនៀងផ្អែមលោក សុះ ម៉ាច បានបង្ហាញនូវយុទ្ធសាស្ត្រថ្មីសម្រាប់រៀបចំសមាគមសិល្បករខ្មែរឲ្យមានភាពល្អប្រសើរ និងមានការគាំទ្រកាន់តែច្រើនឡើងថែមទៀត។
រាជធានីភ្នំពេញ ៖ បើទោះបីជាអាណត្តិជាប្រធានសមាគមសិល្បករខ្មែរ នឹងត្រូវបានបញ្ចប់នៅក្នុងរយៈពេលខាងមុខនេះក៏ដោយ ប៉ុន្តែតារាចម្រៀងសំនៀងផ្អែមលោក សុះ ម៉ាច បានបង្ហាញនូវយុទ្ធសាស្ត្រថ្មីសម្រាប់រៀបចំសមាគមសិល្បករខ្មែរឲ្យមានភាពល្អប្រសើរ និងមានការគាំទ្រកាន់តែច្រើនឡើងថែមទៀត។
លោក សុះ ម៉ាច បានអះអាងថា បើទោះបីជាសមាជិកក្នុងសមាគមមិនបោះឆ្នោតឲ្យលោកបន្តជាប្រធានសមាគមសិល្បករខ្មែរអាណត្តិថ្មីនេះក៏ដោយ ប៉ុន្តែលោកនៅតែឈរធ្វើជាទីប្រឹក្សារបស់សមាគមមួយនេះដដែល ហើយរូបលោកបានមានផែនការមួយចំនួនបន្ថែមទៀត ដើម្បីឲ្យសមាគមមួយនេះបានដំណើរការទៅដោយល្អប្រសើរ។ ក្នុងបទសំភាសន៍ជាមួយកោះសន្តិភាពតាមសារអេឡិចត្រូនិច លោក សុះ ម៉ាច បានឲ្យដឹងថា បច្ចុប្បន្នរូបលោក និងក្រុមប្រឹក្សាសមាគមកំពុងស្វែងរកឱកាស ដើម្បីពិភាក្សាគ្នាអំពីបេក្ខភាពជាប្រធានសមាគមនៅក្នុងអាណត្តិថ្មីនេះ។ លោកបញ្ជាក់ថា ដោយសារតែក្រុមប្រឹក្សារបស់សមាគមភាគច្រើនជាប់រវល់ដកឃ្លាមិនរួចនោះ ទើបការពិភាក្សាគ្នាអំពីបញ្ហានេះ អាចនឹងធ្វើឡើងក្រោយបុណ្យភ្ជុំ ឬក៏ក្រោយបុណ្យអុំទូក ដើម្បីរកពេលវេលាសមស្រប ហើយនឹងធ្វើពិធីរៀបចំការដំណើរការសមាគមក្នុងអាណត្តិទី៤ នេះតែម្តង។
លោក សុះ ម៉ាច បានអះអាងថា សម្រាប់អាណត្តិថ្មីនេះ យើងនឹងកែប្រែសមាសភាពក្រុមប្រឹក្សាខ្លះ រួមទាំងការស្វែងរកការគាំទ្រពីបណ្តាស្ថានទូតនានា ដើម្បីផ្តល់ឱកាសដល់អ្នកសិល្បៈមានឱកាសបានចេញទៅសម្តែងក្រៅប្រទេស តាមរយៈសមាគម។ លោកបន្ថែមថា និយាយជារួមអណត្តិថ្មី យើងនឹងបង្កើនសកម្មភាពឱ្យខ្លាំងជាងមុន ជាពិសេសការធ្វើឲ្យអ្នកសិល្បៈទាំងអស់រួបរួមចូលជាសមាជិកឲ្យបានច្រើន និងការនិយាយបញ្ចុះបញ្ចូលឲ្យក្រុមហ៊ុនសប្បាយបង្កើតកម្មវិធីធំៗពាក់ព័ន្ធនិងដិល្បៈឡើងវិញ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ