ខេត្តរតនគិរី ៖ ក្រុមឈ្មួញរកស៊ីឈើប្រណីតបានធ្វើការរិះគន់ដល់មន្រ្តីគយនៅច្រកទ្វារអន្តរជាតិអូរយ៉ាដាវថាបានកៀបសង្កត់ដល់ពួកគេ ដោយមន្រ្តីគយបានយកលុយពីការដឹកឈើប្រណីតចេញទៅលក់នៅក្នុងប្រទេសវៀតណាមក្នុងមួយរថយន្តសាំយ៉ុង យកពី២០ទៅ៣០មឺុនរៀល ។ ក្រុមឈ្មួញទាំងនោះបាននិយាយដូចៗគ្នាថា របររកស៊ីឈើប្រណីតសពថ្ងៃនេះមិនស៊ូវបានចំណេញទេ ព្រោះរកស៊ីគឺបង់ឱ្យតែគយនិងសមត្ថកិច្ចអស់បាត់ហើយ។
គួរបញ្ជាក់ថារដ្ឋបាលព្រៃឈើបានបើកភ្លើងខៀវឱ្យក្រុមឈ្មួញរកស៊ីឈើប្រណីតខុស ច្បាប់ដឹកតាមម៉ូតូដូចកណ្តៀយកមកលក់ឱ្យមេធំៗនៅក្នុងក្រុងបានលុង លើកដាក់រថយន្តសាំយ៉ុងទម្លាក់បាតដឹកចេញទៅលក់ឱ្យប្រទេសវៀតណាម តាមច្រកអន្តរជាតិអូរយ៉ាដាវ សព្វថ្ងៃនេះយ៉ាងហោចណាស់ក៏មានម៉ូតូពី១០ទៅ២០គ្រឿងដឹកឈើប្រណីតខុស ច្បាប់ យកមកលក់ឱ្យឈ្មួញធំៗ ៤ទៅ៥នាក់ នៅខាងក្រោយបន្ទាយទាហ៊ានសឹករងខេត្ត ស្ថិតនៅក្នុងភូមិអូរកន្តិល សង្កាត់បឹងកន្សែង ក្រុងបានលុង ។
ឈើប្រណីតទាំងអស់ខាងលើនេះក្រុមឈ្មួញបានទិញ ពីម៉ូតូមួយដុំតម្លៃ១០០ដុល្លារ ដែលមានទំហំ១០ គុណនិង៤០ ប្រវែង១.២ម៉ែត្រ យកទៅលក់នៅប្រទេសវៀតណាមមួយដុំបានតម្លៃ ២៥០ ដុល្លារ។ បច្ចុប្បន្ននេះក្រុមឈ្មួញឆ្លាតខ្លាំងណាស់បានទម្លាក់បាតរថយន្ត សាំយ៉ុងដាក់ឈើប្រណីតបាន២៧ដុំ ក្នុងមួយរថយន្តសាំយ៉ុងហើយក្រុមឈ្មួញចំនួន៤ ទៅ៥នាក់ខាងលើពេលអ្នកសារព័ត៌មានថតយករូបភាពបាននិយាយថា <<ថតអីថត ទៅ ពួកគេបានបង់លុយជូនមេព្រៃរួចរាល់ហើយ >> ក្នុងនោះផងដែរក្រុមឈ្មួញទាំងនេះបានទូរស័ព្ទប្រាប់កងកម្លាំង ប្រដាប់អាវុធ គ្រប់ជាន់ថ្នាក់ឱ្យបានដឹងផងដែរ។
ប្រជាពលរដ្ឋពលរដ្ឋដែលរកស្របច្បាប់ បានធ្វើការរិះគន់មន្រ្តីជំនាញរដ្ឋបាលព្រៃឈើក្រុងបានលុង យ៉ាងខ្លាំងដោយប្រជាពលរដ្ឋបានលើកឡើងថាមិនគួរណារដ្ឋបាលព្រៃឈើ បើកដៃឱ្យម៉ូតូដឹកឈើប្រណីតខុសច្បាប់ទាំងថ្ងៃបែបនេះសោះ ។ ដោយប្រជាពលរដ្ឋឃើញក្រុមឈ្មួញទាំងនោះដឹកឈើប្រណីតយកទៅផ្ទុកនៅខាង ក្រោយបន្ទាយទាហ៊ានសឹករងខេត្ត ដោយឈ្មួញបានបង់លុយប្រចាំខែជូនសមត្ថកិច្ចនិងមន្រ្តីជំនាញរដ្ឋបាល ព្រៃឈើគ្រប់ជាន់ថ្នាក់អស់ហើយ។
ចែករំលែកព័តមាននេះ