ខេត្តបន្ទាយមានជ័យ ៖ រថយន្តម៉ាកហ៊ីណូ មួយគ្រឿងដឹកអេស្កាទ័រ បើករីយ៉ែចូលផ្ទះបានទៅបុកជាមួយរថយន្តនីសាន់ដឹកអេតចាយសំពីងសំពោងកណ្តាលផ្លួវជាតិលេខ៥ បណ្តាលឱ្យស្ទះចរាចរជាងកន្លះម៉ោង។ហេតុការណ៍នេះកើតឡើងកាលពីវេលាល្ងាច ថ្ងៃទី ២១ សីហា ២០១៤ នៅលើកំណាត់ផ្លូវជាតិលេខ៥ ស្ថិតក្នុងភូមិជំទាវ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។
បើតាមប្រភពព័ត៌មានពីនគរបាលស្រុកមង្គលបូរីបានឱ្យដឹងថា នៅមុនពេលកើតហេតុរថយន្តហ៊ីណូ ពាក់ស្លាកលេខភ្នំពេញ 3A-6603 ដឹកអេស្កាទ័រដោយបើកបរតាមផ្លូវជាតិលេខ៥ មកដល់ចំណុចកើតហេតុរថយន្តហ៊ីណូបានបើករីយ៉ែចូលផ្ទះខាងឆ្វេងដៃពេលរីយ៉ែមិនចូលក៏បានបើកឡើងផ្លូវជាតិក៏ជ្រុលទៅបុករថយន្តនីសាន់ដឹកអេតចាយសំពីងសំពោងបណ្តាលឱ្យស្ទះចរាចរជាងកន្លះម៉ោង ប៉ុន្តែអ្នកបើកបរមិនមានរងរបួសនោះទេ។
ក្រោយពេលកើតហេតុរថយន្តទាំងពីរគ្រឿងត្រូវសមត្ថកិច្ចយកទៅរក្សាទុកនៅអធិការដ្ឋានស្រុកមង្គលបូរីដើម្បីធ្វើការដោះស្រាយគ្នាតាមផ្លូវច្បាប់ ។
ចែករំលែកព័តមាននេះ