រាជធានីភ្នំពេញ ៖ ការប្រកួតកីឡាប្រដាល់ក្នុងកម្មវិធីកំពូលអ្នកប្រយុទ្ធគុនខ្មែរនៅលើសង្វៀនស៊ីធីអិន នាថ្ងៃអាទិត្យ ទី២៤ សីហា សប្តាហ៍នេះមានទាំងអស់៥គូ ក្នុងនោះប្រភេទទម្ងន់៦៥គីឡូក្រាមមាន២គូ, ៦០គីឡូក្រាមមាន២គូ និង៥៧គីឡូក្រាមមានតែមួយគូប៉ុណ្ណោះ ។
រាជធានីភ្នំពេញ ៖ ការប្រកួតកីឡាប្រដាល់ក្នុងកម្មវិធីកំពូលអ្នកប្រយុទ្ធគុនខ្មែរនៅលើសង្វៀនស៊ីធីអិន នាថ្ងៃអាទិត្យ ទី២៤ សីហា សប្តាហ៍នេះមានទាំងអស់៥គូ ក្នុងនោះប្រភេទទម្ងន់៦៥គីឡូក្រាមមាន២គូ, ៦០គីឡូក្រាមមាន២គូ និង៥៧គីឡូក្រាមមានតែមួយគូប៉ុណ្ណោះ ។
ប្រភេទទម្ងន់៦៥គីឡូក្រាមកីឡាករ ហ៊ុន គីរី មកពីក្លិបតាព្រហ្មមានជ័យបង្ក្រាបគ្រឿងញៀនជួបប្រកួតជាមួយកីឡាករ រ៉ាក់ វិឆ័យ មកពីក្លិបកងពលតូចលេខ៧០ និងកីឡាករ យ៉ុន សំអាត មកពីក្លិបសំរោងកោងកីឡាខេត្តបាត់ដំបង ជួបប្រកួតជាមួយកីឡាករ ថៃ រិទ្ធី មកពីក្លិបនាគរាជគុនខ្មែរ ។
ហ៊ុន គីរី ប្រកួតបាន២លើកឈ្នះទាំង២លើកមាន៦ពិន្ទុ ។ ចំណែក រ៉ាក់ វិឆ័យ ប្រកួតបាន២លើកដូចគ្នា ឈ្នះ១លើកចាញ់១លើក ទើបលើកនេះគេត្រូវការឈ្នះដើម្បីបង្កើនឱកាសឡើងទៅកាន់វគ្គបន្ត ប៉ុន្តែមិនដឹងថា អាចទៅរួចជាមួយ ហ៊ុន គីរី ឬអត់ទេ ?
ចំណែកការជួបគ្នារវាង ថៃ រិទ្ធី និងយ៉ុន សំអាត វិញនោះ គ្មាននរណាហ៊ានអះអាងទុកមុនពីលទ្ធផលចាញ់ឈ្នះឡើយ ។ ថៃ រិទ្ធី ប្រកួតបាន២លើកឈ្នះ១លើក និងចាញ់១លើក ចំណែកយ៉ុន សំអាត ប្រកួតបាន៣លើកឈ្នះ១លើក ចាញ់២លើក ។ ទោះបីយ៉ាងណា ថៃ រិទ្ធី មានបទពិសោធន៍ប្រកួតប្រដាល់ក្នុងកម្មវិធីកំពូលអ្នកប្រយុទ្ធគុនខ្មែរនេះ២ជំនាន់រួចមកហើយ ដូច្នេះអាចចាត់ទុកថា គេមានល្បិចប្រយុទ្ធល្អជាង ប៉ុន្តែបើនិយាយពីកម្លាំងវិញនោះ យ៉ុន សំអាត ខ្លាំងជាង ។ បើម្នាក់អាងកម្លាំង និងម្នាក់ទៀតអាងល្បិចចាំមើលអ្នកណាគ្រាន់បើជាងអ្នកណា ?
ប្រភេទទម្ងន់៦០គីឡូក្រាមមានកីឡាករ ណាម ម៉ូរិន មកពីក្លិបពន្លឺសាមគ្គី ខេត្តបាត់ដំបង ជួបប្រកួតជាមួយកីឡាករ ឈាន ហំ មកពីសមាគមកីឡាប្រដាល់ក្រសួងការពារជាតិ និងកីឡាករ រីគី ណារដ្ឋ មកពីក្លិបខ្លារខិនមានឫទ្ធិ ជួបប្រកួតជាមួយកីឡាករ សុខ វាសនា មកពីក្លិបឃ្លាំងមឿងកីឡា ។
រវាង ណាម ម៉ូរិន និងឈាន ហំ ប្រកួតបាន៣លើកដូចគ្នា ប៉ុន្តែលទ្ធផលមិនដូចគ្នាទេ ។ ណាម ម៉ូរិន ប្រកួត៣លើកស្គាល់ឈ្នះតែម្តងគត់ ឯ ឈាន ហំ ប្រកួត៣លើកឈ្នះទាំង៣លើកជាប់គ្នាតែម្តង ។ ដូច្នេះនៅក្នុងប្រភេទទម្ងន់៦០គីឡូក្រាមនេះ ឈាន ហំ បានក្លាយជាបេក្ខភាពលេចធ្លោជាងគេ ខណៈគេរកបាន៩ពិន្ទុរួចទៅហើយ ។ ចំណែក ណាម ម៉ូរិន សម្រាប់ការមកជួប ឈាន ហំ លើកនេះមិនដឹងថាអាចទៅរួចឬអត់នោះទេ ព្រោះ ឈាន ហំ ទាំងល្បិចប្រកួត និងកម្លាំងគឺល្អជាង ។
ប្រភេទទម្ងន់៥៧គីឡូក្រាម កីឡាករ ម៉ឺន ដា មកពីក្លិបខ្លារខិនមានឫទ្ធិ ប្រកួតជាមួយកីឡាករ ខុន បូឡា មកពីក្លិបកងពលធំអន្តរាគមន៍លេខ៣ព្រះវិហារ ។ រវាងម៉ឺន ដា និងខុន បូឡា ប្រកួតបាន៣លើក ក្នុងនោះឈ្នះ១លើក និងចាញ់២លើកដូចគ្នា ចាំមើលលើកនេះអ្នកណាមានសំណាងរកបាន៣ពិន្ទុបន្ថែមពីការប្រកួតលើកនេះ ?
ចែករំលែកព័តមាននេះ