ប្រធានាធិបតីអាមេរិកលោកបារ៉ាក់ អូបាម៉ា កាលពីថ្ងៃទី២០ សីហា បានចាត់ទុកក្រុមរដ្ឋអ៊ិស្លាម ដែលបានកាត់ក្បាលអ្នកកាសែតអាមេរិកម្នាក់ផ្សាយតាមវីដេអូថា ជាជំងឺមហារីកមួយដែលពុំត្រូវទុកឡើយក្នុងសតវត្សទី២១ នេះ ។ លោកអូបាម៉ា អះអាងថា ក្រុមរដ្ឋអ៊ិស្លាមពុំនិយាយក្នុងនាមសាសនាណាមួយឡើយ ។ ពុំមានសាសនាណាមួយដែលនិយាយពីការសម្លាប់រង្គាលជនស្លូតត្រង់ទេ ។ មនោគមន៍វិជ្ជារបស់ក្រុមនេះខុសពីគេ ។
ដោយអំពាវនាវដល់បណ្តារដ្ឋាភិបាល និងបណ្តាប្រជាជននៅមជ្ឈឹមបូព៌៌៌ាឱ្យធ្វើការរួមគ្នាដើម្បីវះកាត់ជំងឺមហារីកនេះចេញដើម្បីកុំឱ្យរាលដាល លោកអូបាម៉ា សន្យាថា សហរដ្ឋអាមេរិកដែលធ្វើការវាយប្រហារតាមអាកាសនៅអីុរ៉ាក់ចាប់តាំងពី១០ថ្ងៃមកហើយនឹងបន្តការតស៊ូតទៅទៀតប្រឆាំងពួកជីហាដនិយមរ៉ាឌីកាល់ជ្រុលទាំងនោះ ។ លោកគូសបញ្ជាក់ថា ពួកនេះលុកលុយចូលទីក្រុង និងភូមិទាំងឡាយសម្លាប់ជនស៊ីវិលស្លូតត្រង់ ហើយគ្មានអាវុធក្នុងអំពើដ៏សែនសាហាវ និងយ៉ាងកំសាក ។
ពួកនេះចាប់ពង្រត់នារី ធ្វើទារុណកម្ម ចាប់រំលោភ និងឱ្យធ្វើជាទាសករ ។ ពួកគេសម្លាប់បណ្តាជនអ៊ិស្លាមទាំងពួកស៊ុននីតទាំងពួកស៊ីអុីតជាច្រើនពាន់នាក់។ ពួកគេក៏សម្លាប់ពួកគ្រិស្ត និងពួកជនជាតិភាគតិចឯទៀតៗដែរ ។សេតវិមានអះអាងកាលពីថ្ងៃទី២០ សីហា ពីភាពច្បាស់ប្រាកដនៃវីដេអូរបស់ក្រុមរដ្ឋអ៊ិស្លាមដែលបង្ហាញពីការកាត់ក្បាលអ្នកកាសែតអាមេរិក ខណៈអង់គ្លេសគិតថា ឃាតករជាជនជាតិអង់គ្លេសម្នាក់ ៕
ចែករំលែកព័តមាននេះ