រាជធានីភ្នំពេញ ៖ រថយន្តហាយឡែនឌ័រមិនស្គាល់អត្តសញ្ញាណមួយគ្រឿងបានបុកម៉ូតូហុងដា សេ១២៥ ស៊េរីឆ្នាំ២០០០មួយគ្រឿង ពេញទំហឹងបណ្តាលឱ្យយុវជនម្នាក់រងរបួសធ្ងន់ហើយរថយន្តបើករត់គេចខ្លួនបាត់ស្រមោលតែម្តង។ ហេតុការណ៍នេះកើតឡើងកាលពីវេលាម៉ោង ៣ទៀបភ្លឺ ថ្ងៃទី ២១ សីហា ២០១៤ នៅចំណុចផ្លូវ១៧៣ កែងនិងផ្លូវព្រះសីហនុ ស្ថិតក្នុងសង្កាត់អូរឡាំពិក ខណ្ឌចំការមន ។
ប្រភពព័ត៌មានបានឱ្យដឹងថា នៅមុនពេលកើតហេតុ គេឃើញរថយន្តហាយឡែនឌ័រ ពណ៌ស្ករ មួយគ្រឿងមិនចាំស្លាកលេខបើកដោយបុរសម្នាក់ តាមផ្លូវព្រះសីហនុ ក្នុងទិសដៅពីកើតទៅលិច ខណៈមកដល់ចំណុចកើតហេតុរថយន្តបានបើកបត់ឆ្វេងឆ្លងផ្លូវ ក៍ជ្រុលទៅបុកម៉ូតូហុងដា សេ១២៥ ស៊េរីឆ្នាំ២០០០ ពណ៌ខៀវ មួយគ្រឿង ពាក់ស្លាកលេខកំពង់ឆ្នាំង 1B-9091 បើកដោយយុវជនម្នាក់តាមផ្លូវ១៧៣ ក្នុងទិសដៅពីត្បូងទៅជើងពេញទំហឹងបណ្តាលឱ្យយុវជនជិះម៉ូតូរងរបួសបែកមុខបែកមាត់ ហើយរថយន្តបានបន្ថែមល្បឿនបើករត់គេចបាត់ស្រមោលតែម្តង។
ចែករំលែកព័តមាននេះ