ខេត្តបន្ទាយមានជ័យ ៖ ព្រៃសហគមន៍ជ្រាប់ថ្មីមានឈើសំខាន់៧ប្រភេទដែលត្រូវយកចិត្តទុកការពាររក្សាទុកជាជម្រកសត្វព្រៃ ស្ថិតនៅក្នុងឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ ។
លោក វ៉ាត វីរះ អភិបាលរងស្រុកព្រះនេត្រព្រះនិងជាប្រធានសហគមន៍ការពារព្រៃឈើជ្រាប់ថ្មីបានប្រាប់ឱ្យថា សហគមន៍ជ្រាប់ថ្មីគឺត្រូវបានបង្កើតឡើងនៅឆ្នាំ១៩៩៩ហើយមានផ្ទៃដីព្រៃការពារទុក១៤៥ហិកតា នៅស្ថិតនៅក្នុងឃុំជប់វ៉ារី ស្រុកព្រះនេត្រព្រះខេត្តបន្ទាយមានជ័យ ។
លោកបានបន្តទៀតថាព្រៃសហគមន៍ជ្រាប់ថ្មីបង្កើតឡើងគឺដើម្បីការពារនិងរក្សាទុកជាតំបន់ព្រៃធម្មជាតិដែលភ្ញៀវឆ្លងកាត់បានចូលកម្សាន្តនិងជាជម្រកសត្វព្រៃដែលកំពុងផុតពូជ និងជាឈើសំណង់សម្រាប់ប្រជាពលរដ្ឋ អុសដុត ផ្សិតឈើ ។
លោក វ៉ាត វីរះ បានបន្តថាព្រៃសហគមន៍ជ្រាប់ថ្មី ក្រោយពេលមានការពារនិងរក្សាបានគឺមានឈើ៧ប្រភេទដូចជាឈើខ្លុង ត្បែង ត្រាច ធ្នង់ កកោះ ទ្រាស សុក្រំ និងឈើជាច្រើនប្រភេទទៀត។ហើយក្នុងនោះលោកសូមណូមពរសុំឱ្យបងប្អូនប្រជាពលរដ្ឋនិងសមត្ថកិច្ចស្ថាប័នពាក់ព័ន្ធត្រូវចូលរួមថែរក្សាទាំងអស់គ្នាមិនត្រូវកាប់បំផ្លាញឬទន្រ្ទានព្រៃធ្វើកម្មសិទ្ធិខ្លួនឯងឡើយ ហើយចូលរួមទាំងគ្នាការពារព្រៃឈើដើម្បីកូនចៅជំនាន់ក្រោយ ៕
ចែករំលែកព័តមាននេះ