ខេត្តរតនគិរី ៖ កាលពីវេលាម៉ោង៧និង៣០នាទីយប់ថ្ងៃទី២០ ខែសីហា ឆ្នាំ២០១៤នេះ នៅមន្ទីរពេទ្យបង្អែកខេត្ត មានអ្នកទោសម្នាក់បានស្លាប់ ត្រូវគេដឹងថាមានឈ្មោះ គីម ស៊ុន ហៅគីម ប៉ៃ ភេទប្រុស ជនជាតិខ្មែរ មុខរបរកសិករ មានស្រុកកំណើតនៅភូមិសំបុក ឃុំថ្មគ្រែ ស្រុកសំបូរ ខេត្តក្រចេះ បច្ចុប្បន្នរស់នៅភូមិទុយ ឃុំទីងចាក់ ស្រុកបរកែវ ខេត្តរតនគិរី ។
តាមការបំភ្លឺឱ្យដឹងពីស្រ្តីជាប្រពន្ធមានឈ្មោះ ខ្លោង ភឿង អាយុ៣៧ឆ្នាំ ជនជាតិទំពូន បានឲ្យដឹងថាគាត់បានរៀបការជាមួយប្តី និងមានកូនចំនួន៥នាក់ ហើយមន្ត្រីប៉ូលិសចាប់ប្តីគាត់នេះគឺជាប់ចោទពីបទគំរាមគំហែងសម្លាប់បងថ្លៃ ឈ្មោះ រស់ខ្លោង ផាន់ អាយុ៤០ ភេទប្រុស ជនជាតិទំពួន ហើយស្ត្រីជាប្រពន្ធបានបន្តថា ប្តីរបស់គាត់មានជម្ងឺប្រកាច់ជាញឹកញាប់។ ក្
នុងករណីខាងលើនេះត្រូវបានមន្ត្រីយាមពន្ធនាគារបានឱ្យដឹងថា ជនជាប់ខាងលើបានបញ្ជូនចូលគុកនៅថ្ងៃទី១៥ ខែមិថុនា ឆ្នាំ២០១៤ ដោយជាប់ចោទពីបទគំរាមគំហែងធ្វើឃាត់មនុស្ស។ តាំងពីចូលពន្ធនាគាររយៈពេល៣ខែ កន្លងមិនដែលមានជម្ងឺអ្វីទេ ទើបតែថ្ងៃសុក្រ សប្តាហ៍មុនមានជម្ងឺប្រកាច់នៅក្នុងគុក ហើយត្រូវបានប៉ូលិសយាមគុកបានបញ្ជូនអ្នកទោសដែលមានជម្ងឺមកព្យាបាលនៅមន្ទីរពេទ្យបង្អែកខេត្ត នៅថ្ងៃទី១៥ ខែសីហា ឆ្នាំ២០១៤ ហើយបានស្លាប់នៅថ្ងៃទី២០ ខែសីហា ឆ្នាំ២០១៤ វេលាម៉ោង៧និង៣០នាទីយប់នៅមន្ទីរពេទ្យបង្អែកខេត្តហើយជនជាប់ខាងលើមិនទាន់បានកាត់ទោសនៅឡើយទេ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ