រាជធានីភ្នំពេញ ៖ បញ្ហាទឹកដីកម្ពុជាក្រោមដែលក្រុមបាតុករធ្វើបាតុកម្មកន្លងមកដើម្បីចង់រដ្ឋាភិបាលវៀតណាមទទួលស្គាល់និងអ្នកនំាពាក្យស្ថានទូតវៀតសុំទោសជាសាធារណៈត្រូវបានរដ្ឋា ភិបាលថាគ្មានវិធានការលើក្រុមបាតុករទេ ទុកដោះស្រាយតាមការទូត ។
រាជធានីភ្នំពេញ ៖ បញ្ហាទឹកដីកម្ពុជាក្រោមដែលក្រុមបាតុករធ្វើបាតុកម្មកន្លងមកដើម្បីចង់រដ្ឋាភិបាលវៀតណាមទទួលស្គាល់ និងអ្នកនំាពាក្យស្ថានទូតវៀត សុំទោសជាសាធារណៈ ត្រូវបានរដ្ឋា ភិបាលថា គ្មានវិធានការលើក្រុមបាតុករទេ ទុកដោះស្រាយតាមការទូត ។
តាមការស្រង់ប្រសាសន៍សម្តេច ហេង សំរិន ប្រធានរដ្ឋសភា ដោយ លោក ឈាងវុន សមាជិកសភា មកពីគណបក្សប្រជាជនកម្ពុជា បានថ្លែងក្នុងសន្និសិតកាសែតនៅ ព្រលានយន្តហោះអន្តរជាតិភ្នំពេញ កាលពីរសៀល ថ្ងៃទី២០ សីហា ក្នុងដំណើរមកទស្សនកិច្ចប្រទេសវៀតណាម រយៈពេល៣ថ្ងៃ ថា ក្នុងជំនួបជាមួយនាយករដ្ឋមន្ត្រីសាធារណរដ្ឋសង្គមនិយមវៀតណាម និងមន្ត្រីជាន់ខ្ពស់វៀតណាមជាច្រើនរូបទៀត។ និងបានលើកឡើងពី បញ្ហាកិច្ចសហប្រតិបត្តិការរវាប្រទេសទាំងពីរ (កម្ពុជា-វៀតណាម) ។
តាមរយៈលោក ឈាង វុន បញ្ជាក់ថាសម្តេចបានស្នើឲ្យវៀតណាមដោះស្រាយបោះបង្គោលព្រំដែនវៀតណាមកម្ពុជា ឲ្យបានចប់ជាស្ថាពរឆាប់ៗ។ ក្នុងជំនួបនោះនាយករដ្ឋមន្ត្រីវៀត ណាមបានហៅការធ្វើបាតុកម្មនៅមុខស្ថានទូតវៀតណាមដែលបានដុតទង់ជាតិវៀតណាមថាជាពួកជ្រុលនិយម និងស្នើឲ្យចាត់វិធានការចំពោះបាតុករកុំឲ្យមានការកើតឡើងជាថ្មីម្តងទៀត ។
ជាឆ្លើយតបតាមស្រង់សម្តីពីលោក ឈាង វុន ថា សម្តេចហេង សំរិន បញ្ជាក់ថាក្នុងរបបលិទ្ធិប្រជាធិបតេយ្យ សេរីពហុបក្ស កម្ពុជាមិនអាចឃាត់ឃាំងឬហាមមិនឲ្យធ្វើបាតុកម្មណាមួយដើម្បីបញ្ចេញមតិនោះទេ ការធ្វើបាតុកម្មជារឿងធម្មតា។ កម្ពុជាអនុវត្តនីតិរដ្ឋដូច្នេះកម្ពុជា មិនទទួលយកអំពើហិង្សានោះទេ ។សម្តេចបញ្ជាក់ថា «រាជរដ្ឋាភិបាលកម្ពុជាមិនមានវិធានការណាមួយចំពោះការបាតុកម្មទាមទាររបស់ខ្មែរកម្ពុជាក្រោម ឲ្យអ្នកនំាពាក្យសារភាពជាសាធារណៈចំពោះសម្តីថាទឹកដីកម្ពុជាក្រោមជារបស់វៀតណាមនោះទេ។បងប្អូនធ្វើបាតុកម្មមិនមែនគ្មានហេតុផលនោះទេ គឺមកពីអ្នកបកស្រាយប្រវត្តិសាស្ត្រមានការភ័នច្រឡំ» ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ