រាជធានីភ្នំពេញ ៖ គ្រោះថ្នាក់ចរាចរមួយដែលបង្កឡើងដោយរថយន្តកាមរីបាឡែនបើកបរដោយបុរសជនជាតិចិនបានបុកពីក្រោយរថយន្តកូរ៉ូឡាមួួយគ្រឿងទៀតបើកដោយនារីម្នាក់បណ្តាលឱ្យរថយន្តរងការខូចខាតទាំងសងខាង ចំណែកអ្នកបើកបរមិនរងគ្រោះថ្នាក់នោះទេ។ ហេតុការណ៍នេះកើតឡើងកាលពីវេលាម៉ោង៧ និង១៥នាទីយប់ ថ្ងៃទី ២០ សីហា ២០១៤ តាមបណ្តោយផ្លូវលេខ២០០៤ នៅចំណុចទល់មុខឃ្លាំងលក់រថយន្ត៦៨ ស្ថិតក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកាមរីបាឡែន ពណ៌ខ្មៅ មួយគ្រឿងពាក់ស្លាកលេខភ្នំពេញ 2Q-6663 បើកបរដោយបុរសជនជាតិចិនម្នាក់និងរួមដំណើរដោយនារីម្នាក់ បានធ្វើដំណើរយ៉ាងលឿនតាមផ្លូវលេខ២០០៤ ក្នុងទិសដៅពីលិចទៅកើត មកដល់ចំណុចកើតហេតុ ជាចំណុចផ្លូវកំពុងជួសជុលផង ហើយមិនដឹងថាតៃកុងជនជាតិចិននោះបើកយ៉ាងម៉េច ក៏បានទៅបុកចំពីក្រោយគូថរថយន្តកូរ៉ូឡា ពណ៌ទឹកប្រាក់ ពាក់ស្លាកលេខភ្នំពេញ2H-4798 បើកដោយនារីម្នាក់ស្របទិសគ្នាបណ្តាលឱ្យរថយន្តទាំងពីរគ្រឿងរងការខូចខាតដូចគ្នា ចំណែកអ្នកបើកបរមិនមានរងរបួសនោះទេ។
ក្រោយពេលកើតហេតុភាគីទាំងពីរមិនបានរំខានដល់សមត្ថកិច្ចនោះទេ គឺបានធ្វើការសម្រួលគ្នានៅនិងកន្លែងដោយបុរសជនជាតិចិនបើករថយន្តបង្កសងការខូចខាតទៅភាគីរថយន្តកូរ៉ូឡាចំនួន១១០ដុល្លារដើម្បីបញ្ចប់រឿង។
ចែករំលែកព័តមាននេះ