ខេត្តកំពត ៖ ជនសង្ស័យម្នាក់ត្រូវម្តាយប្តឹងសមត្ថកិច្ចអធិការដ្ឋានស្រុកឱ្យចាប់ខ្លួន បន្ទាប់ពីជននេះប៉ុនប៉ងដុតផ្ទះចោល និងប្រើហិង្សាវាយម្តាយនឹងខ្នងពូថៅបណ្តាលឱ្យរបួសធ្ងន់ កាលពីវេលាម៉ោង៤រសៀល ថ្ងៃទី១៩ សីហា ២០១៤ នៅភូមិកំពង់ត្រាចទី២ ឃុំកំពង់ត្រាចខាងលិច ស្រុកកំពង់ត្រាច។
ជនសង្ស័យឈ្មោះមុំ ឃឿន ភេទប្រុស អាយុ៣០ឆ្នាំ ចំណែកស្ត្រីរងគ្រោះជាម្តាយឈ្មោះប្រុក គង់ អាយុ៦៦ឆ្នាំ មានទីលំនៅភូមិ-ឃុំកើតហេតុខាងលើ។
ប្រភពបានឱ្យដឹងថា មុនពេលកើតហេតុជនសង្ស័យមកពីដើរលេងវិញបានចូលហូបបាយ បន្ទាប់ពីហូបបាយរួចជននេះបានសុំលុយម្តាយចំនួន២២.០០០រៀល តែម្តាយអត់មានលុយឱ្យ ពេលនោះជនសង្ស័យខឹងក៏យកភ្លើងដុតផ្ទះចោលធ្វើឱ្យមានការភ្ញាក់ផ្អើលដល់អ្នកស្រុករស់នៅជិតខាងនាំគ្នាជួយពន្លត់ទាន់ពេល មិនបណ្តាលឱ្យឆេះរាលដាលធ្ងន់ធ្ងរទេ ។ លុះមួយសន្ទុះក្រោយមកជនសង្ស័យមិនអស់ចិត្តបានទាញពូថៅទៅវាយចំកញ្ចឹង.កម្តាយ និងចំឆ្អឹងជំនីរខាងក្រោយបណ្តាលឱ្យរបួសធ្ងន់ត្រូវគេដឹកទៅសង្គ្រោះនៅមន្ទីរពេទ្យ។
បច្ចុប្បន្នជនសង្ស័យត្រូវសមត្ថកិច្ចស្នងការដ្ឋាននគរបាលខេត្តកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ