ខេត្តបន្ទាយមានជ័យ ៖ បើទោះជាក្រោយការបោសសំអាតពលករខ្មែរខុសច្បាប់របស់របបយោធាថៃ ដោយចាប់បញ្ជូនត្រឡប់យ៉ាងភ្លូកទឹកភ្លូកដីតាមច្រកទ្វារអន្តរជាតិ និងតំបន់នានាតាមខេត្តជាប់ព្រំដែនរហូតជាង២៥ម៉ឺននាក់ តែពលករកម្ពុជានាំគ្នាវិលត្រឡប់ទៅប្រទេសថៃវិញយ៉ាងច្រើនកុះករដោយស្របច្បាប់ តាមរយៈការធ្វើប័ណ្ណឆ្លងដែន និងលិខិតឆ្លងដែន មានចំនួនច្រើនជាងកាលពីមុន។
ខេត្តបន្ទាយមានជ័យ ៖ បើទោះជាក្រោយការបោសសំអាតពលករខ្មែរខុសច្បាប់របស់របបយោធាថៃ ដោយចាប់បញ្ជូនត្រឡប់យ៉ាងភ្លូកទឹកភ្លូកដីតាមច្រកទ្វារអន្តរជាតិ និងតំបន់នានាតាមខេត្តជាប់ព្រំដែនរហូតជាង២៥ម៉ឺននាក់ តែពលករកម្ពុជានាំគ្នាវិលត្រឡប់ទៅប្រទេសថៃវិញយ៉ាងច្រើនកុះករដោយស្របច្បាប់ តាមរយៈការធ្វើប័ណ្ណឆ្លងដែន និងលិខិតឆ្លងដែន មានចំនួនច្រើនជាងកាលពីមុន។
ទោះជាយ៉ាងណាក៏ដោយ ពលករខុសច្បាប់ដែលភាគីថៃចាប់បញ្ជូនមកកម្ពុជាតាមច្រកទ្វារអន្តរជាតិប៉ោយប៉ែតនៅតែបន្តមានជារៀងរាល់ថ្ងៃ។
តាមមន្ត្រីគណៈកម្មការទទួលពលករដែលភាគីថៃបញ្ជូនមកប្រគល់ឲ្យនៅចំណុចផ្សារមង្គលភូមិ និងសង្កាត់ក្រុងប៉ោយប៉ែត ប្រាប់ថា ពលករប្រុសស្រីដែលភាគីថៃចាប់បញ្ជូនត្រឡប់គិតចាប់ពីថ្ងៃទី៣០ កក្កដា រហូតដល់ថ្ងៃទី១៩ សីហា ឆ្នាំ២០១៤ មិនទាន់គិតដល់ថ្ងៃទី២០ទេ មានចំនួន៧៦៨០នាក់ ក្នុងនោះស្ត្រីមានចំនួន២៥៧១នាក់ កុមារ៦៥៥នាក់។ ក្រុមមន្ត្រីបន្តថាក្នុងចំណោមពលករខុសច្បាប់ដែលភាគីថៃចាប់បញ្ជូនទាំងអស់៧០% ជាពលករទើបចូលទៅប្រទេសថៃតាមច្រករបៀងដោយខុសច្បាប់ និង៣០%ចាប់បញ្ជូនពីតាមបណ្ដាខេត្តនានាក្នុងប្រទេសថៃ។
ប្រភពប្រាប់ថា យោងតាមការសួរនាំពីក្រុមពលករដែលភាគីថៃចាប់បញ្ជូនមកនោះប្រាប់ថា ពួកគេមួយចំនួនចូលទៅប្រទេសថៃតាមច្រករបៀងក្នុងស្រុកម៉ាឡៃ និងមួយចំនួទៀតទៅតាមច្រករបៀងក្នុងស្រុកអូរជ្រៅនិងច្រករបៀងផ្សេងៗតាមបន្ទាត់ព្រំដែន៕
ចែករំលែកព័តមាននេះ