ខេត្តបន្ទាយមានជ័យ ៖ ជនសង្ស័យ០២នាក់ត្រូវបានកម្លាំងកងរាជអាវុធហត្ថស្រុកម៉ាឡៃឃាត់ខ្លួនកាលពីវេលាងម៉ោង៤និង៥៥នាទីរសៀលថ្ងៃទី១៩ សីហា ២០១៤ ស្ថិតនៅក្នុងភូមិពង្រ ឃុំទួលពង្រ ស្រុកម៉ាឡៃ ចោទប្រកាន់ពីបទចែកចាយគ្រឿងញៀ.នដោយខុសច្បាប់ ។
ខេត្តបន្ទាយមានជ័យ ៖ ជនសង្ស័យ០២នាក់ត្រូវបានកម្លាំងកងរាជអាវុធហត្ថស្រុកម៉ាឡៃឃាត់ខ្លួនកាលពីវេលាងម៉ោង៤និង៥៥នាទីរសៀលថ្ងៃទី១៩ សីហា ២០១៤ ស្ថិតនៅក្នុងភូមិពង្រ ឃុំទួលពង្រ ស្រុកម៉ាឡៃ ចោទប្រកាន់ពីបទចែកចាយគ្រឿងញៀនដោយខុសច្បាប់ ។
តាមការបំភ្លឺពីមន្ត្រីកងរាជអាវុធហត្ថស្រុកម៉ាឡៃ បានឱ្យដឹងថា យោងតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍មេបញ្ជាការខេត្ត ទើបកម្លាំងសមត្ថកិច្ចជំនាញស្រាវជ្រាវរកមុខសញ្ញា និងឈានទៅដល់ការឃាត់ខ្លួនជនសង្ស័យបានចំនួន០២នាក់រួមទាំងវត្ថុតាងថ្នាំញៀនប្រភេទយ៉ាម៉ាចំនួន10គ្រាប់ និងទូរសព្ទ័ដៃម៉ាកសាំស៊ុង ចំនួន២គ្រឿងផងដែរ ខណៈពេលដែលជនសង្ស័យទាំង២នាក់កំពុងធ្វើសកម្មភាពចែកចាយនៅតាមដងផ្លូវសាធារណៈក្នុងភូមិកើតហេតុខាងលើ។
សមត្ថកិច្ចបន្តថា ជនសង្ស័យដែលឃាត់ខ្លួនម្នាក់ឈ្មោះឡាយ ហុង ភេទប្រុស អាយុ២៣ឆ្នាំ រស់នៅភូមិកណ្តាល ឃុំម៉ាឡៃ ស្រុកម៉ាឡៃ និងទី២-ឈ្មោះសូត្រ ខៀវ ភេទប្រុស រស់នៅក្នុងភូមិកើតហេតុខាងលើ ។
សមត្ថកិច្ចបានបញ្ជាក់ប្រាប់ថា យោងតាមចម្លើយសារភាព ជនសង្ស័យទាំង២នាក់ រួមទាំងវត្ថុតាងត្រូវបានសមត្ថកិច្ច ប៉េអឹម កសាងសំណុំរឿងបញ្ជូនបន្តទៅតុលាការចាត់ការតាមនិតិវិធីច្បាប់នៅព្រឹកថ្ងៃ២០ សីហា ។
ចែករំលែកព័តមាននេះ