ទទួលទានដំណេក7ម៉ោងក្នុងមួយថ្ងៃ មានផលល្អដល់សុខភាព
ដោយ ៖ សាម៉ន
ថ្ងៃព្រហស្បត្ត៏ ទី២៦ ខែសីហា ឆ្នាំ២០១០ ម៉ោង ១០:០៩
គេហទំព័របរទេស
ការទទួលទានដំណេក
បណ្តាក្រុមអ្នកជំនាញបាននិយាយថា មនុស្សដែលទទួលទានដំណេកតិចជាង៧ម៉ោងក្នុងមួយថ្ងៃ ដោយបូកទាំងការដេកមួយស្រលេតផងនោះ នឹងប្រឈមចំពោះការកើតជម្ងឺបេះដូង។ បណ្តាអ្នកជំនាញបានអោយដឹងទៀតថា ចំណែកអ្នកដែលដេកតិចជាង៥ម៉ោងក្នុងមួយថ្ងៃមានការប្រឈមនឹងជម្ងឺបេះដូង ជម្ងឺស្រ្តូកទ្វេរដង។
ខាងលើនេះគឺជាលទ្ធផលនៃការសិក្សារបស់បណ្តាអ្នកស្រាវជ្រាវនៅសាកលវិទ្យាល័យអាមេ រិកWest Virginia University។ បណ្តាមនុស្សដែលប្រឈមនឹងជម្ងឺខាងលើនេះភាគច្រើនជាមនុស្សពេញវ័យអាយុ៦០ឆ្នាំចុះដែលទទួលទានដំណេកបាន៥ម៉ោងឬក៍តិចជាងក្នុងមួយយប់។ ការសិក្សាក៍បានបង្ហាញអោយដឹងទៀតថាការដេកមួយស្រលេតធ្វើអោយយើងប្រឈមនឹងការកើតជម្ងឺបំពង់.កផងដែរ ខណៈដែលទាំងការដេកមួយស្រលេតនិងទាំងការដេករយៈពេលយូរ(ជាង៧ម៉ោង)សុទ្ធតែជាដើមហេតុនាំអោយកើតជម្ងឺគាំងបេះដូង និងជម្ងឺស្រ្តូក ។
នៅក្នុងលទ្ធផលនៃការសិក្សានេះ បណ្តាអ្នកស្រាវជ្រាវមិនអាចធ្វើការសម្រេចចិត្តថាតើវាមានទំនាក់ទំនងគ្រោះថ្នាក់ដូចម្តេចរវាងការដេករយៈពេលយូរ និងជម្ងឺបេះដូងនោះទេ។តែពួកគេគ្រាន់តែបានចង្អុលបង្ហាញថារយៈពេលដេក ប៉ះពាល់ដល់ដំណើរការរំលាយអាហារនិងក្រពេញអង់ដូគ្រីន មិនតែប៉ុណ្ណោះថាការបន្ថយចំនួនម៉ោងដេកអាចនាំអោយមានការចុះថយអាំងស៊ុយលីន ហើយបង្កើនសំពាធឈាម ដែលអ្វីទាំងអស់នេះជាដើមហេតុនៃការធ្វើអោយខូចសរសៃឈាមបេះដូង ៕
