រាជធានីភ្នំពេញ ៖ លោក ឃ្លាំង ហួត អភិបាលខណ្ឌជ្រោយចង្វា និងអភិបាលរងខណ្ឌ កាលពីវេលាល្ងាចថ្ងៃទី ៩ សីហា ២០១៤នេះបានចុះពិនិត្យតាមដងទន្លេមេគង្គ និងទន្លេសាបដើម្បីដឹងពីស្ថានភាពទឹកជំនន់ នៅក្នុងមូលដ្ឋានរបស់ខ្លួនដែលកំពុងរងនូវការគំរាមកំហែង ។
លោក ឃ្លាំង ហួត បានធ្វើដំណើរតាមអូរប័រចេញទៅសង្កាត់ព្រែកលាប សង្កាត់ព្រែកតាសេក សង្កាត់ជ្រោយចង្វាដែលជាប់ព្រំប្រទល់គ្នា ។ ក្នុងនោះសង្កាត់កោះដាច់ និងសង្កាត់នានា ស្ថានភាពទឹកជំនន់ពុំទាន់ប៉ះពាល់ដល់លំនៅឋានរបស់ប្រជាពលរដ្ឋនៅលើយទេ ចំណែកឯសង្កាត់បាក់ខែងវិញ ដោយសារតែខ្សែទឹកហូ បានធ្វើឱ្យច្រាំងទន្លេនិងដីបងប្អូននៅជាប់មាត់ទន្លេ បាក់ ជិតដល់ធ្វើដំណើរផងដែរប៉ុន្តែទោះជាយ៉ាងណាក៏ដោយក៏មិនទាន់បណ្តាលឱ្យមានផលប៉ះពាល់ដល់ផ្ទះប្រជាពលរដ្ឋនៅឡើយទេ ខុសគ្នាពីខេត្តក្រចេះ ស្ទឹងត្រែងនិងកំពង់ចាម ។
នៅក្នុងឱកាសនោះផងដែរ លោកឃ្លាំង ហួត បានធ្វើការណែនាំនិងផ្តាំផ្ញើដល់អាជ្ញាធរឱ្យជួយដល់ប្រជាពលនិងសំណូមពរឱ្យប្រជាពលរដ្ឋយកចិត្តទុកដាក់មើលថែកូនចៅឱ្យបានល្អខ្លាចក្រែងមានការធ្លាក់ទឹក។
ចែករំលែកព័តមាននេះ