ខេត្តកំពង់ចាម ៖ គ្រឹះស្ថានមីក្រូហិរញ្ញវត្ថុអម្រឹតនៅរលៀលថ្ងៃទី០១ សីហា ២០១៤ បានបើកសម្ពោធដាក់ឱ្យប្រើប្រាស់អគារស្តង់ដាថ្មីសាខាខេត្តកំពង់ចាម ស្របពេលដែលវិស័យធនាគារ និងមីក្រូហិរញ្ញវត្ថុបាន និងកំពុងរីកដុះដាលនៅក្នុងប្រទេសកម្ពុជា ។
ខេត្តកំពង់ចាម ៖ គ្រឹះស្ថានមីក្រូហិរញ្ញវត្ថុអម្រឹតនៅរលៀលថ្ងៃទី០១ សីហា ២០១៤ បានបើកសម្ពោធដាក់ឱ្យប្រើប្រាស់អគារស្តង់ដាថ្មីសាខាខេត្តកំពង់ចាម ស្របពេលដែលវិស័យធនាគារ និងមីក្រូហិរញ្ញវត្ថុបាន និងកំពុងរីកដុះដាលនៅក្នុងប្រទេសកម្ពុជា ។
ពិធីបើកសម្ពោធអគារស្តង់ដាសាខាថ្មីនេះ មានការអញ្ចើញចូលរួមជាកិត្តិយសពីលោក ជា ផល្លារិន អគ្គនាយកគ្រឹះស្ថានមីក្រូហិរញ្ញវត្ថុអម្រឹត, លោកគិម វ៉ាដា អគ្គនាយកត្រួតពិនិត្យធនាគារជាតិកម្ពុជា, លោក អ៊ុំភឿន គុណវឌ្ឍ អភិបាលរងខេត្តកំពង់ចាម រួមទាំងបុគ្គលិក និងភ្ញៀវកិត្តិយសជាច្រើនផ្សេងទៀត។
ដោយសារមានការគាំទ្រពីអតិថិជន និងកិច្ចសហការយ៉ាងជិតស្និទ្ធិជាមួយធនាគារជាតិនៃកម្ពុជា និងអាជ្ញាធរដែនដីគ្រប់លំដាប់ថ្នាក់ទាំងអស់ ធ្វើឲ្យគ្រឹះស្ថានមីក្រូហិរញ្ញវត្ថុអម្រឹតរីកលូតលាស់ និងពង្រីក បន្ថែមតំបន់គ្របដណ្តប់កាន់តែច្រើនឡើងៗ ក្នុងការផ្តល់សេវាហិរញ្ញវត្ថុជូនដល់អតិថិជនកាន់តែប្រសើរឡើងនៅតាមបណ្តាខេត្ត-ក្រុងចំនួន 22 និងមានសាខាចំនួន 120 កន្លែង។
លោកជា ផល្លារិន អគ្គនាយកគ្រឹះស្ថានមីក្រូហិរញ្ញវត្ថុអម្រឹតបានមានប្រសាសន៍ថា អម្រឹតបានចូលមកធ្វើប្រតិបត្តិការផ្តល់ឥណទានដល់អតិថិជននៅក្នុងខេត្ត កំពង់ចាមនេះ ចាប់តាំងពីខែកក្កដា ឆ្នាំ1999 មកម្លេះ មកដល់ពេលនេះ អម្រឹតបាននឹងកំពុងប្រតិបត្តិការនៅក្នុងស្រុក និងក្រុងទាំងអស់នៃខេត្តកំពង់ចាម ដល់ទៅ 501 ភូមិ និងឃុំចំនួន 87 ឃុំ ។
លោកអគ្គនាយក បន្តទៀតថា សមិទ្ធិផលដែលអម្រឹតទទួលបានមកទល់សព្វថ្ងៃនេះ និងការបោះជំហានទៅមុខឥតឈប់ឈរក្នុងប្រវត្តិសាស្ត្ររបស់ខ្លួន គឺអាស្រ័យដោយ អម្រឹតបាន អនុវត្តតាមចក្ខុវិស័យដ៏រឹងម៉ាំដែលបានកំណត់ទុកថា អម្រឹតគឺជាស្ថាប័នហិរញ្ញវត្ថុឈានមុខ ក្នុងការរួម ចំណែកកែលម្អ លើកស្ទួយជីវភាពប្រជាពលរដ្ឋឲ្យល្អប្រសើរ និងរួមចំណែកក្នុងការអភិវឌ្ឍសេដ្ឋកិច្ច និង សង្គមកម្ពុជាយើង។
លោក អ៊ុំភឿន គុណវឌ្ឍ អភិបាលរងខេត្តកំពង់ចាម បានមានប្រសាសន៍ថា ពិតណាស់ វិស័យធនាគារ និងមីក្រូហិញ្ញវត្ថុ បានដើរតួនាទីយ៉ាងសំខាន់ក្នុងការរួមចំណែក អភិវឌ្ឍសេដ្ឋកិច្ច ព្រោះវិស័យនេះអាចគៀងគរធនធានហិរញ្ញវត្ថុដែលទំនេរសម្រាប់បម្រើឲ្យតម្រូវការក្នុង ផលិតកម្មនិងអាជីវកម្ម ដែលស្របទៅនឹងខេត្តកំពង់ចាមជាខេត្តមួយដែលមានសក្តានុពលសេដ្ឋកិច្ចរីក ចម្រើនជាច្រើន ជាពិសេសគឺវិស័យកសិកម្ម ដែលវិស័យនេះត្រូវការចាំបាច់នូវ សេវាកម្មហិញ្ញវត្ថុពីធនាគារ និងមីក្រូហិរញ្ញវត្ថុ ដើម្បីធានាបាននូវសុវត្ថិភាពក្នុងការដាក់ប្រាក់បញ្ញើ សន្សំ និងកម្ចី សម្រាប់ពង្រឹង និងពង្រីកមុខរបរ អាជីវកម្មរបស់ប្រជាពលរដ្ឋឲ្យកាន់តែល្អប្រសើរ។
លោក អ៊ុំភឿន គុណវឌ្ឍ បានសម្តែងនូវសេចក្តីសប្បាយរីករាយ និងអបអរចំពោះអម្រឹតដែលបាន ដាក់ឲ្យដំណើរការអគារស្តង់ដាថ្មីនេះ ដែលនេះជាសក្ខីភាពបញ្ជាក់ពីភាពរីកចម្រើនប្រកបដោយភាព រឹងមាំ និងថែមទាំងបង្ហាញពីការរួមចំណែកការអភិវឌ្ឍន៍សេដ្ឋកច្ចិជាតិប្រទេស ជាពិសេសនៅក្នុងខេត្ត កំពង់ចាមទាំងមូល។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ