ខេត្តសៀមរាប ៖ ប្រជាពលរដ្ឋរស់នៅតាមបណ្តោយផ្លូវក្រាលគ្រួសក្រហមមួយខ្សែ ឆ្ពោះទៅកាន់តំបន់អភិវឌ្ឍន៏«ភូមិធម្មជាតិរ៉ុនតាឯក» បានចោទប្រកាន់ក្រុមហ៊ុនជីកកាយដី និងបូមខ្សាច់ ចំនួន៣ ក្នុងភូមិសាស្រ្តភូមិតានី ថាបានទទួលផលកំរ៉ៃយ៉ាងច្រើនក្រាសក្រែលពីអាជីវកម្មដឹកដីនិងខ្សាច់ តាមរថយន្តធំៗ ដោយមិនខ្វល់
ខេត្តសៀមរាប ៖ ប្រជាពលរដ្ឋរស់នៅតាមបណ្តោយផ្លូវក្រាលគ្រួសក្រហមមួយខ្សែ ឆ្ពោះទៅកាន់តំបន់អភិវឌ្ឍន៏«ភូមិធម្មជាតិរ៉ុនតាឯក» បានចោទប្រកាន់ក្រុមហ៊ុនជីកកាយដី និងបូមខ្សាច់ ចំនួន៣ ក្នុងភូមិសាស្រ្តភូមិតានី ថាបានទទួលផលកំរ៉ៃយ៉ាងច្រើនក្រាសក្រែលពីអាជីវកម្មដឹកដីនិងខ្សាច់ តាមរថយន្តធំៗ ដោយមិនខ្វល់ពីមហន្តរាយផ្លូវក្នុងសហគមន៍របស់ពួកគេ ។
ដោយសាតែមិនអាចទ្រំទ្រទៅនឹងសកម្មភាពអមនុស្សធម៏បែបហ្នឹងកាលពីព្រឹកថ្ងៃទី១ សីហា ២០១៤ នេះ ប្រជាពលរដ្ឋប្រមាណជិត២០០នាក់មកពី៣ភូមិ ក្នុងឃុំរ៉ុនតាឯក នៃស្រុកបន្ទាយស្រី រួមមានភូមិត្រពាំងទឹក ,ភូមិតានី និងភូមិរ៉ុនតាឯក បានប្រមូលផ្តុំគ្នាធ្វើការបិទផ្លូវបញ្ឈប់ចរាចរណ៏រថយន្តធំៗដឹកដីនិងខ្សាច់ឆ្លងកាត់ផ្លូវនោះទាំងស្រុង ដើម្បីបង្ខំឲ្យអាជ្ញាធរដាក់គំនាបឲ្យក្រុមហ៊ុនទាំងនោះធ្វើការជួលជុលផ្លូវដែលអន្តរាយនោះសងប្រជាពលរដ្ឋវិញ ។
មេប៉ុស្តិ៍រដ្ឋបាលឃុំរ៉ុនតាឯក លោកអនុសេនីយ៍ត្រី គង់ កែន ដែលបានចុះឃ្លាំមើលសន្តិសុខនៅកន្លែងបិទផ្លូវបានថ្លែងថា សកម្មភាពតវ៉ានោះបានចាប់ផ្តើមតាំងពីវេលាម៉ោងប្រមាណ ៧ព្រឹក ត្រង់ណុចកែងរវាងផ្លូវជាតិលេខ ៦៧ (ហាយវ៉េ) ជាមួយផ្លូវចូលទៅភូមិធម្មជាតិរ៉ុនតាឯក ក្នុងភូមិតានី ដែលជាកន្លែងមានការដ្ឋានជីកកាយដី និងបូមខ្សាច់ រាប់សិបកន្លែង ។លោកបន្តថានេះជាករណីបិទផ្លូវជាលើកទី៣ ហើយសំរាប់ឆ្នាំ ២០១៤ នេះ ខណៈការធ្វើដំណើរចេញចូលផ្លូវមូលនិធិរបស់ឃុំមួយខ្សែនេះមានការលំបាកខ្លាំងបំផុត ហើយការតវ៉ាចំនួនពីរលើកមុនមិនបានទទួលដំណោះស្រាយនៅឡើយ ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ