ខេត្តកណ្ដាល ៖ បុរសម្នាក់ត្រូវបានកម្លាំងកងរាជអាវុធហត្ថ ស្រុកអង្គស្នួលដឹកនាំ ដោយលោកមេបញ្ជាការស្ដីទី ស៊ូ វណ្ណធឿន ធ្វើការឃាត់ខ្លួន តាមដីកាសាលា ដំបូងខេត្តកណ្ដាល ដែលបានចោទប្រកាន់ពីបទធ្វើឲ្យ ខូចខាតដោយចេតនា ប្រព្រឹត្តទៅលើរោងចក្រកាត់ដេរ តេយ៉ុងកាលពីប៉ុន្មាន ខែមុនកន្លងមកនេះ ហើយត្រូវបាន តំណាងរោងចក្រខាងលើ ប្ដឹងរហូតមានដីកា បង្គាប់ឲ្យនាំខ្លួនលេខ២៧៧ ដក,បនខ/១៤ ទើប ត្រូវបានកម្លាំងកងរាជ អាវុធហត្ថ ស្រុកអង្គស្នួល ធ្វើការាឃាត់ខ្លួនជននោះតែម្ដង។
ការឃាត់ខ្លួននោះបានធ្វើ ឡើងកាលពីវេលាម៉ោង៦និង១៥នាទីព្រឹកថ្ងៃទី១ ខែសីហា ឆ្នាំ២០១៤ នៅត្រង់ ចំណុចភូមិបូរីកម្មករ ឃុំបែកចាន ស្រុកអង្គស្នួល ខេត្តកណ្ដាល។លោកស៊ូ វណ្ណធឿនមេបញ្ជាការស្ដីទីកងរាជអាវុធស្រុកអង្គស្នួលបានឲ្យដឹងថា បុរសដែល ត្រូវចាប់ខ្លួន នោះឈ្មោះ ចន រ៉ាវី អាយុ៣០ឆ្នាំ មានទីលំនៅក្នុងភូមិ ត្រពាំងក្រសាំង ឃុំបែកចាន ស្រុកអង្គស្នួល ។ ចំណែកតំណាងរោងចក្រកាត់ដេរតេយ៉ុង ដែលបាន ដាក់ពាក្យប្ដឹងឲ្យតុលាការចាត់ការ ទៅលើបុរសខាងលើនោះឈ្មោះ ម៉ោង ផល្លា បន្ទាប់ពីជនសង្ស័យដែលត្រូវចោទនោះ ទៅធ្វើសកម្មភាពបង្កហឹង្សា ជេរប្រមាថ និងធ្វើឲ្យខូចខាត ទៅលើតំណាងរោងចក្រ កាត់ដេរតេយ៉ុងក្នុងពេលកន្លងមក ។
ចែករំលែកព័តមាននេះ