រាជធានីភ្នំពេញ ៖ បុរសម្នាក់កំពុងដើរតាមផ្លូវក៏ត្រូវបានបុរសពីរនាក់ដែលធ្លាប់ជាគូទំនាស់នឹងគ្នាលួចឆ្មក់វាយពីរដំបងឈើជ្រុងបណ្តាលឱ្យបែកក្បាលហូរឈាម រងរបួសធ្ងន់ធ្ងរ។ ហេតុការណ៍កើតឡើងកាលពីវេលាម៉ោង៩ និង៥០នាទី យប់ថ្ងៃទី ០១ សីហា ២០១៤ នៅចំណុចក្បែរវត្តញាណរង្សី ស្ថិតនៅក្នុងក្រុម៦ ភូមិទួលគោក សង្កាត់ទួលសង្កែ ឃណ្ឌឬស្សីកែវ ។
ជនរងគ្រោះមានឈ្មោះ ប៉ាន់ បុល ភេទប្រុស អាយយុ៣៣ឆ្នាំ មុខរបរមិនពិតប្រាកដ ចំណែកជនបង្កមានឈ្មោះណុច ក្រិន ភេទប្រុស។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញជនរងគ្រោះដើរតាមផ្លូវតែម្នាក់ឯងស្រាប់តែដើរមកដល់ក្បែរវត្តញាណរង្សី ក៏មានបុរសពីរនាក់ជិះម៉ូតូមួយគ្រឿងតាមពីក្រោយបុរសរងគ្រោះស្រាប់តែមកដល់ចំណុចកើតហេតុ ជនបង្កក៏បានឈប់ម៉ូតូហក់ទៅវាយសំពងក្បាលបុរសរងគ្រោះចំពីក្រោយចំនួន២ដំបងឈើជ្រុង បណ្តាលឱ្យបុរសរងគ្រោះបែកក្បាលហូរឈាមពេញផ្ទៃមុខ ។
ក្រោយពេលកើតហេតុ ជនរងគ្រោះត្រូវបានគេបញ្ជូនទៅសង្រ្គោះនៅមន្ទីរពេទ្យ។
ចែករំលែកព័តមាននេះ