រាជធានីភ្នំពេញ ៖ យុវជន៣នាក់ជិះម៉ូតូមួយគ្រឿងបើកលឿនដូចហោះនិងបានព្យាយាមវ៉ារថយន្តមួយគ្រឿងទៀតដែលជិះស្របទិសគ្នា ហើយក៏បានជ្រុលចង្កូតទៅបុកចំពីមុខរថយន្តកូរ៉ូឡាពេញទំហឹងបណ្តាលយុវជទាំងបីនាក់រងរបួសធ្ងន់-ស្រាល ។ហេតុការណ៍នេះកើតឡើងកាលពីវេលាម៉ោង ៩និង៥០នាទីយប់ ថ្ងៃទី០១ សីហា ២០១៤ នៅចំណុចមុខច្រកចូលអាកាសយានភ្នំពេញដ្ឋានអន្តជាតិថ្មី តាមមហាវិថីសហពន័្ធរុស្ស៊ី ស្ថិតនៅក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញម៉ូតូហុងដាឌ្រីមសេ១២៥ ពណ៌ខ្មៅ មួយគ្រឿង ពាក់ស្លាកលេខភ្នំពេញ 1L-1481 ជិះដោយយុវជន៣នាក់ ដោយធ្វើដំណើរយ៉ាងលឿនតាមមហាវិថីសហព័ន្ធរុស្ស៊ី ក្នុងទិសដៅពីកើតទៅលិច មកដល់ចំណុចកើតហេតុអ្នកបើកម៉ូតូព្យាយាមបើកវ៉ារថយន្តមួយគ្រឿងដែលជិះស្របទិសគ្នា ហើយក៏បានជ្រុលចង្កូតទៅបុកចំពីមុខ ពេញទំហឹងរថយន្តកូរ៉ូឡា ពាក់ស្លាកលេខភ្នំពេញ 2T-1495 ដែលបើកបរក្នុងទិសដៅបញ្ចា្រសគ្នា បណ្តាលឱ្យយុវជនជិះរថយន្តទាំង៣នាក់របួសធ្ងន់ស្រាល ដោយក្នុងនោះអ្នកបើកម៉ូតូនិងជិះកណ្តាលរបួសធ្ងន់ ចំណែកអ្នកជិះពីក្រោយរងរបួសស្រាល។
ក្រោយពេលកើតហេតុជនរងគ្រោះត្រូវរថយន្តសាមុយដឹកយកទៅសង្រ្គោះនៅមន្ទីរពេទ្យ ចំណែករថយន្ត និងម៉ូតូត្រូវបានសមត្ថកិច្ចយកទៅរក្សាទុកនៅអធិការដ្ឋានខណ្ឌពោធិ៍សែនជ័យដើម្បីដោះស្រាយគ្នាតាមផ្លូវច្បាប់ ។
ចែករំលែកព័តមាននេះ