ខេត្តក្រចេះ ៖ បើតាមរបាយការណ៍របស់អាជ្ញាធរខេត្តក្រចេះបានឱ្យដឹងថា ស្ថានភាពកម្ពស់ទឹកទន្លេមេគង្គខេត្តក្រចេះនៅថ្ងៃទី១ សីហា ២០១៤ នេះ គឺមានកម្ពស់ជាង២១ម៉ែត្រ ដែលកំពស់នេះកាន់តែខ្ពស់ជាងថ្ងៃម្សិលមិញ និងក៏ជិតឈានទៅដល់កម្ពស់កម្រិតទឹកដែលត្រូវប្រកាសអាសន្នផងដែរ ។
ខេត្តក្រចេះ ៖ បើតាមរបាយការណ៍របស់អាជ្ញាធរខេត្តក្រចេះបានឱ្យដឹងថា ស្ថានភាពកម្ពស់ទឹកទន្លេមេគង្គខេត្តក្រចេះនៅថ្ងៃទី១ សីហា ២០១៤ នេះ គឺមានកម្ពស់ជាង២១ម៉ែត្រ ដែលកំពស់នេះកាន់តែខ្ពស់ជាងថ្ងៃម្សិលមិញ និងក៏ជិតឈានទៅដល់កម្ពស់កម្រិតទឹកដែលត្រូវប្រកាសអាសន្នផងដែរ ។
របាយការណ៍របស់អាជ្ញាធរបានបញ្ជាក់ទៀតថា ក្នុងអំឡុងពេល២ថ្ងៃជាប់ៗគ្នានេះ គឺស្ថានភាពទឹកជំនន់បានបង្កការជន់លិចនៅស្រុក-ក្រុង-ចំនួន២ និងក្រុង១នៅទូទាំងខេត្តក្រចេះ ។ ក្នុងនោះស្រុកព្រែកប្រសព្វមានឃុំចំនួន៣ ដែលមានទីតាំងនៅជាប់មាត់ទន្លេមេគង្គ បានរងនូវការជន់លិច និងក្រុងក្រចេះមានសង្កាត់ចំនួន៤ បាននិងកំពុងតែរងនូវការជន់លិច។
ជាមួយគ្នានេះ ទឹកជំនន់បានជន់លិច និងហូរកាត់លំនៅឋានប្រជាពលរដ្ឋមានចំនួនជាង៥០០ខ្នង និងផ្លូវក្រាលក្រួសក្រហមចំនួនជាង៦ពាន់ម៉ែត្រ ដំណាំ កសិកកម្ម រួមមានស្រូវពង្រោះ សន្ទូង និងពោតជាច្រើនហិកតា ក៏ទទួលរងនូវការជន់លិច ។ អាជ្ញារធរក្រុងក្រចេះបានឱ្យដឹងថា នៅថ្ងៃទី១ សីហា នេះ គឺមានប្រជាពលរដ្ឋចំនួន៤៥គ្រួសារ នៅក្នុងក្រុងក្រចេះ និងសត្វពាហនៈមួយចំនួនទៀត គឺត្រូវបានជម្លៀសទៅកាន់ទីទួលសុវត្ថិភាព ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ