អាជ្ញាធរមូលដ្ឋានរាយការណ៍កាលពីថ្ងៃទី១ សីហា ថា ការផ្ទុះឧស្ម័នច្រើនកន្លែងនៅទីក្រុង KAOHSIUNG ភាគខាងត្បូងតៃវ៉ាន់បណ្ដាលឱ្យមនុស្សស្លាប់យ៉ាងតិច២០នាក់ និងជាង២៧០នាក់ត្រូវរបួសកាលពីយប់ថ្ងៃទី៣១ កក្កដា ។ តុល្យការជនរងគ្រោះអាចមានខ្ពស់ជាងនេះទៀត ។
ការផ្ទុះទាំងនោះប្រហែលជាដោយសារការធ្លាយឧស្ម័ន រាយការណ៍នាពេលល្ងាចដោយប្រជាជនជាច្រើននាក់រស់នៅសង្កាត់CIANJEN ។ យោងតាមសាក្សីម្នាក់ដកស្រង់សម្ដីដោយទូរទស្សន៍ FTV ថា ការផ្ទុះនានានាំឱ្យគេគិតស្មានថា ជាការរញ្ជួយដីមួយ ។ ក្នុងគ្រាដំបូងអាជ្ញាធរនិយាយពីការផ្ទុះបំពង់បង្ហូរឧស្ម័នមួយ ។ យោងតាមទីភ្នាក់ងារជាតិតស៊ូប្រឆាំងអគ្គិភ័យថា អ្នកពន្លត់ភ្លើង២នាក់ស្ថិតក្នុងចំណោមអ្នកស្លាប់ ហើយបណ្ដាអ្នករបួសត្រូវបានបញ្ជូនភ្លាមៗទៅកាន់មន្ទីរពេទ្យទាំងឡាយនៃទីក្រុង ៕
ចែករំលែកព័តមាននេះ