រាជធានីភ្នំពេញ ៖ យុវជនពីរនាក់ជិះម៉ូតូចេញពីហាងផឹកស៊ី ត្រូវក្រុមជនអន្ធពាលមួយក្រុមប្រដាប់ដោយដំបងឈើជ្រុងនិងដុំថ្ម ជិះម៉ូតូស្ទាក់តាមផ្លូវ ព្រួតគ្នាវាយបណ្តាលឱ្យរបួសធ្ងន់ម្នាក់ ស្រាលម្នាក់ ។ហេតុការណ៍នេះកើតឡើងកាលពីវេលាម៉ោង ១និង៣០នាទីរំលងអាធ្រាត្រឈានចូលថ្ងៃ ទី ០១ សីហា ២០១៤ នៅចំណុចផ្លូវ
រាជធានីភ្នំពេញ ៖ យុវជនពីរនាក់ជិះម៉ូតូចេញពីហាងផឹកស៊ី ត្រូវក្រុមជនអន្ធពាលមួយក្រុមប្រដាប់ដោយដំបងឈើជ្រុងនិងដុំថ្ម ជិះម៉ូតូស្ទាក់តាមផ្លូវ ព្រួតគ្នាវាយបណ្តាលឱ្យរបួសធ្ងន់ម្នាក់ ស្រាលម្នាក់ ។ហេតុការណ៍នេះកើតឡើងកាលពីវេលាម៉ោង ១និង៣០នាទីរំលងអាធ្រាត្រឈានចូលថ្ងៃ ទី ០១ សីហា ២០១៤ នៅចំណុចផ្លូវ២៧១ កែងនិងផ្លូវ១៨២ ស្ថិតក្នុងសង្កាត់ទឹកល្អក់៣ ខណ្ឌទួលគោក ។
ជនរងគ្រោះទី១. ឈ្មោះ ចាន់ ទ្រា ភេទប្រុស អាយុ២០ឆ្នាំ ស្នាក់នៅម្តុំចម្ការដូង ខណ្ឌដង្កោ រងរបួសធ្ងន់ និងទី២. ឈ្មោះ ហុក ម៉េង ភេទប្រុស អាយុ២០ឆ្នាំ ស្នាក់នៅក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ យុវជនរងគ្រោះបានចេញពីផឹកស៊ីក្នុងហាងមួយម្តុំផ្លូវ២៧១ ហើយក៏បានជិះម៉ូតូស្មាស ពណ៌ខ្មៅមួយគ្រឿងត្រឡប់ទៅកន្លែងស្នាក់នៅវិញ ស្រាប់តែមកដល់ចំណុចកើតហេតុ ក៏មានក្រុមជនអន្ធពាលមួយក្រុមមានគ្នា៦នាក់ ជិះម៉ូតូបីគ្រឿង ក្នុងដៃប្រដាប់ដោយដំបងឈើជ្រុង និងដុំថ្ម បានធ្វើការស្ទាក់ផ្លូវជនរងគ្រោះ និងនាំគ្នាព្រូតគ្នាវាយសំពងទៅលើយុវជនទាំងពីរនាក់ ។ ភ្លាមៗយុវជនរងគ្រោះម្នាក់បានរត់រួចពីក្រញាំដៃជនអន្ធពាលទាំងនេះ នៅឡើយតែយុវជនរងគ្រោះម្នាក់ទៀតដែលជាអ្នកបើកម៉ូតូ ត្រូវក្រុមជនអន្ធពាលទាំងនេះព្រួតគ្នាវាយមិនសំចៃដៃនោះទេរហូតធ្វើឱ្យ យុវជនរងគ្រោះបែកក្បាលហូរឈាមកក្លាក់ បន្ទាប់ពីវាយជនរងគ្រោះឱ្យរបួសហើយក្រុមជនអន្ធពាលទាំងនោះបានលើកម៉ូតូជិះគេចខ្លួនដោយសុវត្ថិភាព។
ក្រោយពេលកើតហេតុយុវជនរងគ្រោះត្រូវបានប្រជាពលរដ្ឋជួយហៅរថយន្តសង្រ្គោះមកដឹកយកទៅសង្រ្គោះបន្ទាន់នៅមន្ទីរពេទ្យ។
ចែករំលែកព័តមាននេះ