រាជធានីភ្នំពេញ ៖ បុរសម្នាក់បែកក្បាលហូរឈាមរងរបួសធ្ងន់ធ្ងរ និងយុវជនបីនាក់រងរបួសស្រាលដោយរលាត់ដៃជើងតិចតួច បន្ទាប់ពីជួបនិងគ្រោះថ្នាក់ចរាចរដែលបង្កឡើងដោយម៉ូតូ ម៉ាកSL បើកទៅបុកម៉ូតូវ៉េវចំពីមុខពេញទំហឹង ។ ហេតុការណ៍កើតឡើងកាលពីវេលាម៉ោង ៩ និង២០នាទី យប់ថ្ងៃទី ៣១ កក្កដា ២០១៤
រាជធានីភ្នំពេញ ៖ បុរសម្នាក់បែកក្បាលហូរឈាមរងរបួសធ្ងន់ធ្ងរ និងយុវជនបីនាក់រងរបួសស្រាលដោយរលាត់ដៃជើងតិចតួច បន្ទាប់ពីជួបនិងគ្រោះថ្នាក់ចរាចរដែលបង្កឡើងដោយម៉ូតូ ម៉ាកSL បើកទៅបុកម៉ូតូវ៉េវចំពីមុខពេញទំហឹង ។ ហេតុការណ៍កើតឡើងកាលពីវេលាម៉ោង ៩ និង២០នាទី យប់ថ្ងៃទី ៣១ កក្កដា ២០១៤ នៅចំណុចខាងត្បូងមន្ទីរពេទ្យព្រះកុសមះ ចម្ងាយប្រហែល១០០ម៉ែត្រ តាមបណ្តោយផ្លូវ២៧១ ស្ថិតនៅក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូធុនធំមួយគ្រឿង ម៉ាកSL ពណ៌ស មិនស្គាល់ស្លាកលេខ ជិះដោយយុវជន៣នាក់ដោយធ្វើដំណើរយ៉ាងលឿនតាមផ្លូវ២៧១ ក្នុងទិសដៅពីត្បូងទៅជើង មកដល់ចំណុចកើតហេតុក៏បានទៅបុកជាមួយនិង ម៉ូតូវ៉េវ ពណ៌ខ្មៅ ពាក់ស្លាកលេខភ្នំពេញ2Q-0133 ជិះដោយបុរសម្នាក់ ដោយធ្វើដំណើរក្នុងទិសដៅបញ្រ្ចាសគ្នាពេញទំហឹង បណ្តាលឱ្យបុរសជិះម៉ូតូវ៉េវដួលម៉ូតូបោកក្បាលទៅនិងថ្នល់ រងរបួសធ្ងន់ធ្ងរ ចំណែកយុវជនជិះម៉ូតូ SL គ្រាន់តែរលាត់ស្បេកដៃជើងតិចតួចតែប៉ុណ្ណោះ។បន្ទាប់ពីឃើញបុរសម្នាក់របួសធ្ងន់ធ្ងរនោះ យុវជនទាំងបីនាក់បានលើកម៉ូតូជិះគេចខ្លួនបាត់ស្រមោល។
ក្រោយពេលកើតហេតុរថយន្តសាមុយរបស់មន្ទីរពេទ្យព្រះកុសមះមកទទួលយកជនរងគ្រោះទៅសង្រ្គោះបន្ទាន់ ចំណែកម៉ូតូររបស់ជនរងគ្រោះត្រូវសមត្ថកិច្ចយទៅរក្សាទុកនៅអធិការដ្ឋានខណ្ឌសែន សុខ ។
ចែករំលែកព័តមាននេះ