បង់ក្លាដែស ៖ ប្រាក់ចំណេញរបស់ធនាគារBank Asia បានកើនទ្បើង៣៤,៧៤%នៅក្នុងអំទ្បុងពេល៦ខែ ដើមឆ្នាំ២០១៤ ដែលគាំទ្រដោយការងើបទ្បើងខ្ពស់ជាងមុននៃវិស័យឥណទាន ។ លោក Md Mehmood Husain អគ្គនាយកគ្រប់គ្រងធនាគារអាស៊ី បានថ្លែងថា យើងបានព្យាយាមធ្វើឱ្យប្រសើរទ្បើងវិញ នៅវិស័យឥណទានរបស់យើងរាប់ទាំងឥណទានក្រៅប្រតិបត្តិការ ដែលមានអត្រា៦,០៧% ក្នុងខែមិថុនា ហើយយើងបានព្យាកររួចមកហើយ នូវកំណើនក្នុងការវិនិយោគ ដែលមានល្បឿនសន្សឹមៗ ដូច្នេះយើងបានវិនិយោគទៅលើប័ណ្ណទទួលស្គាល់បំណុលខ្ពស់ជាងមុន ។
ក្នុងនោះ Bank Asia ផ្តល់នូវការប្រាក់សម្រាប់ប្រាក់បញ្ញើពី៨,៥ទៅ៩% និងមានការយកថ្លៃការប្រាក់ឥណទានអតិបរមា១៥% រីឯអត្រា១៣%ទៅ១៤% សម្រាប់ឥណទានសហគ្រាសខ្នាតតូច និងមធ្យម ។ លោក Husain បានបន្ថែមថា ធនាគារបានកំណត់នូវភ្នាក់ងារចំនួន៧.០០០ទីតាំងនៅក្នុងប្រទេសសម្រាប់សេវាកម្មហិរញ្ញវត្ថុចល័ត ៕
ចែករំលែកព័តមាននេះ