ខេត្តព្រះសីហនុ ៖ កម្មកររោងចក្រកាត់ដេរសម្លៀកបំពាក់ «វ៉ាន ធិច រីវើរ ថេកស្តាយ» ប្រមាណជាង៥០នាក់ បាននាំគ្នាធ្វើការតវ៉ា ទាមទារលក្ខខណ្ឌការងារមួយចំនួនជាមួយក្រុមហ៊ុន កាលពីវេលាព្រឹកថ្ងៃទី៣១ កក្កដា នេះ ដែលមានទីតាំងនៅអូរទី១ ក្នុងសង្កាត់លេខ៤ ក្រុងព្រះសីហនុ ។
ខេត្តព្រះសីហនុ ៖ កម្មកររោងចក្រកាត់ដេរសម្លៀកបំពាក់ «វ៉ាន ធិច រីវើរ ថេកស្តាយ» ប្រមាណជាង៥០នាក់ បាននាំគ្នាធ្វើការតវ៉ា ទាមទារលក្ខខណ្ឌការងារមួយចំនួនជាមួយក្រុមហ៊ុន កាលពីវេលាព្រឹកថ្ងៃទី៣១ កក្កដា នេះ ដែលមានទីតាំងនៅអូរទី១ ក្នុងសង្កាត់លេខ៤ ក្រុងព្រះសីហនុ ។
ប្រភពបានឱ្យដឹងថា ការតវ៉ានេះ គឺធ្វើឡើងក្នុងគោលបំណងសុំឱ្យថៅកែរោងចក្រអនុវត្តនូវលក្ខខណ្ឌមួយចំនួន ព្រោះតែកន្លងមកខាងរោងចក្រពុំបានអនុវត្តតាមច្បាប់ការងារ និងគោរពតាមការងាររបស់កម្មករនោះទេ ។ ហេតុនេះ ទើបពួកក្រុមកម្មករចង់បង្កើតតំណាងកម្មករនៅក្នុងរោងចក្រ ប៉ុន្តែបែរជាថៅកែរោងចក្របញ្ឈប់អស់ចំនួន១០នាក់ទៅវិញ ដោយពុំមានមូលហេតុច្បាស់លាស់
ឡើយ ។
ប្រភពបន្តថា លក្ខខណ្ឌដែលក្រុមកម្មករទាមទារនោះមានចំនួន៨ចំណុច ១-សុំឱ្យក្រុមហ៊ុនទទួលយកកម្មការិនីទាំង១០រូប ដែលក្រុមហ៊ុនបានបញ្ឈប់ឱ្យចូលធ្វើការជាធម្មតាវិញ ។ ២-ក្រុមហ៊ុនត្រូវតែណែនាំប្រធានក្រុម ប្រធានផ្នែកឱ្យចេះប្រើពាក្យសម្តីសមរម្យមកលើកម្មករ កម្មការនី ។ ៣-ក្រុមហ៊ុនមិនត្រូវបញ្ឈប់កម្មករ និយោជិកតាមអំពើចិត្តឡើយ ។ ៤-ពេលក្រុមហ៊ុនធ្វើការបន្ថែមម៉ោងត្រូវឈរលើគោលការណ៍ស្ម័គ្រចិត្ត ។ ៥-នៅពេលក្រុមហ៊ុនធ្វើការបន្ថែមថ្ងៃបុណ្យ ថ្ងៃអាទិត្យ មិនត្រូវបង្ខិតបង្ខំនិយោជិកឡើយ ។ ៦-ពេលកម្មករនិយោជិកធ្វើការបន្ថែមថ្ងៃបុណ្យ ថ្ងៃអាទិត្យ សុំឱ្យក្រុមហ៊ុនគុណលុយជា២ដងមកកម្មករ ។ ៧-សុំឱ្យក្រុមហ៊ុនសម្រួលច្បាប់កម្មករ និយោជកនៅពេលមានធុរៈចាំបាច់ ។ និង៨-ក្រុមហ៊ុនមិនត្រូវរើសអើងសហជីពតាមគ្រប់រូបភាព។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ