រាជធានីភ្នំពេញ ៖ សន្តិសុខឯកជន២នាក់ បានត្រូវសមត្តកិច្ចនគរបាលការិយាលយ័ប្រឆាំងការជួញដូរមនុស្ស និងការពារអនីតិជនរាជធានីភ្នំពេញ ឃាត់ខ្លួនកាលពីថ្ងៃទី៣០ កក្កដា ដោយជាប់ពាក់ព័ន្ធថាបានបង្ខាំងនិងរួមភេទជាមួយក្មេងស្រីអាយុ១១ឆ្នាំ ។
សន្តិសុខឯកជន២នាក់ ម្នាក់ឈ្មោះនង វិចិត្រ ភេទប្រុស អាយុ៤០ឆ្នាំ ស្នាក់នៅផ្ទះលេខ៤ E4Z ផ្លូលេខ២១៧ សង្កាត់ថ្មីទី២ ខណ្ឌដូនពេញ យាមនៅហាងលក់ស្រោមទូរសព្ទ័ហេឡូហ្វរយួ និងម្នាក់ទៀតឈ្មោះឆយ ប៊ុនធឿន ហៅ ឆូច ភេទប្រុស អាយុ៣៦ឆ្នាំ យាមនៅហាងលក់ទូរសព្ទ័ដៃជាមួយគ្នា ។
ទាក់ទិននឹងការឃាត់ខ្លួនសន្តិសុខឯកជន២នាក់ខាងលើនេះ ត្រូវបានសមត្ថកិច្ចនគរបាលឲ្យដឹងថា កាលពីថ្ងៃទី៣ កក្កដា មានស្ត្រីម្នាក់រស់នៅស្រុកស្រីសន្ធរ ខេត្តកំពង់ចាម បាននាំកូនស្រីអាយុ១១ឆ្នាំថាមកលេងកូនធ្វើការរោងចក្រនៅរាជធានីភ្នំពេញ ដែលស្នាក់នៅម្តុំស្ថានីយទូរទស្សន៍អាស៊ីអាគ្នេយ៍ ក្នុងសង្កាត់ទឹកថ្លា ខណ្ឌសែនសុខ ។ ម្តាយនិងកូនបានជិះរថយន្តតាក់ស៊ីមកដល់បេនផ្សារសូរិយា ស្រាប់តែវង្វេងបែកគ្នា ពេលនោះម្តាយរកកូនមិនឃើញ ក៏ជិះម៉ូតូឌុបទៅផ្ទះកូនដែលធ្វើការរោងចក្រ ។ ចំណែកកូនស្រីអាយុ១១ឆ្នាំត្រូវបានសន្តិសុខឯកជនយាមកន្លែងលក់ស្រោមទូរសព្ទ័ ម្តុំផ្សារសូរិយាម៉ល (ឈ្មោះនង វិចិត្រ) ប្រទះឃើញនឹងនាំទៅផ្ទះរបស់គេទាំងយប់ ក្នុងគោលបំណងស្រាវជ្រាវរកឪពុកម្តាយគេ ។
សមត្ថកិច្ចបន្តថា ឈ្មោះនង វិចិត្រ បានយកនាងទៅលាក់ទុកក្នុងបន្ទប់ឡៅតឿផ្ទះជាន់ទី៤បាន១យប់ ក្មេងស្រីនោះក៏លូនចេញតាមប្រហោងបង្អួច ហើយសម្រូតចុះក្រោមរត់ចេញពីផ្ទះរបស់សន្តិសុខនោះ ។ ពេលគេរំដោះខ្លួនចេញពីក្រញាំបិសាចភ្លាម គេបានរកម៉ូតូឌុបឲ្យជួនទៅផ្សារទឹកថ្លាផ្ទះរបស់បង ដែលពេលនោះនាងនៅចំណាំបានខ្លះ ព្រោះធ្លាប់មកលេងជាមួយម្តាយ ។ ពេលបានជួបម្តាយហើយក្មេងស្រីអាយុ១១ឆ្នាំ បានរៀបរាប់ដំណើររឿងដូចខាងលើ ក្នុងនោះនាងបានបញ្ជាក់បន្ថែមថា ពេញ១យប់ស្នាក់នៅផ្ទះពូសន្តិសុខ គាត់បានដេកជាមួយនាង និងបានលេងប្រដាប់ប្រដាគ្រប់ទីកន្លែង ។ ដោយសារការទ្រាំទ្រនឹងការយាយីពេញសព្វរាងកាយពីសំណាក់ពូសន្តិសុខនោះមិនបាន នាងក៏សម្រេចចិត្តលូនតាមប្រលោះបង្អួចឡៅតឿចុះក្រោមរត់គេចខ្លួន ។ ពេលម្តាយបានឮកូនស្រីរៀបរាប់ដូច្នេះ ក៏កើតគំនិតដឹកដៃកូននាំទៅប្តឹងអង្គការក្រៅរដ្ឋាភិបាលមួយឲ្យជួយវែកមុខជនកំហូចនោះ ។
រោយពីពាក្យបណ្តឹងបានដាក់ចូលទៅអង្គការ អង្គការបានយកសំណុំរឿងនោះទៅសហការជាមួយសមត្តកិច្ច នគរបាលការិយាលយ័ប្រឆាំងការជួញដូរមនុស្ស និងការពារអនិតិជនរាជធានីភ្នំពេញ បន្ទាប់មកការិយាលយ័ជំនាញមួយនេះបានធ្វើរបាយការណ៍ ជួនទៅស្ថាបន័អយ្យការ សុំបើកការស៊ើបអង្កេតបឋម ដើម្បីស្រាវជ្រាវ នឹងចាប់ខ្លួនជនសង្ស័យតាមពាក្យបណ្តឹងនោះ ។ លុះមកដល់ថ្ងៃទី៣០ កក្កដា សមត្ថកិច្ចបានទៅនាំខ្លួនសន្តិសុខ២នាក់មកសាកសួរ លទ្ធផលត្រូវបានពួកគេសារភាពថាពិតជាបានប្រព្រឹត្តដូចការចោទប្រកាន់របស់ក្មេងស្រី អាយុ១១ឆ្នាំនោះមែន ដែលនេះគឺជាចម្លើយរបស់ឈ្មោះនង វិចិត្រ ដោយឡែកឈ្មោះឆយ ប៊ុនធឿន បានបដិសេធតែបានដឹងរឿងនេះដែរ ។
បន្ទាប់ពីមានចម្លើយគ្រប់គ្រប់សមត្ថកិច្ចបាននាំក្មេងស្រី ទៅឲ្យធ្វើត្រាប់ ពេលនាងលូនចេញតាមបង្អួចដើម្បីបញ្ជាក់ពីការពិត ក្នុងការដាក់បន្ទុកលើជនសង្ស័យ។ សន្តិសុខ២នាក់នោះរងនូវបណ្តឹងចោទប្រកាន់៣ចំណុច ១-បង្ខាំង ២-រួមភេទជាមួយអនិតិជនក្រោមអាយុ១៥ឆ្នាំ និង៣-នាំអនីតិជនចេញដោយមិនស្របច្បាប់ នឹងបានបញ្ជួនទៅកាន់សាលាដំបូងរាជធានីភ្នំពេញតាមនិតិវិធី ៕
ចែករំលែកព័តមាននេះ