សារព័ត៌មានបរទេសកាលពីពេល ថ្មីៗកន្លងមកផ្សាយថា លោកណារ៉េនត្រា ម៉ូឌី នាយករដ្ឋមន្ត្រីរបស់ឥណ្ឌា បានសន្យាថានឹងដំណើរការគម្រោងលើកស្ទួយបរិស្ថានក្នុងទន្លេគង្គា ជាសរសៃឈាមសម្រាប់ចិញ្ចឹមជីវិតប្រជាពលរដ្ឋឥណ្ឌាទូទាំងប្រទេសឱ្យខាងតែបាន នៅក្នុងអំឡុងពេលនៃការកាន់តំណែងរបស់លោករយៈពេល៥ឆ្នាំ ។
រដ្ឋាភិបាលលើកឡើងនៅសភាកាលពីពេល ថ្មីៗនេះថា នឹងចំណាយប្រាក់ទៅលើគម្រោងលើកស្ទួយបរិស្ថានក្នុងទន្លេគង្គាបន្ថែមចំនួន៤០០លានដុល្លារ ។
ចំណែកអ្នកវិភាគខ្លះបានសម្លឹងឃើញថា នយោបាយកំណែទម្រង់លើអនាម័យរបស់ទន្លេគង្គា ចាត់ទុកថាជាការសន្យាដ៏ធំរបស់លោកម៉ូឌី ជាមួយប្រជាជន ព្រោះអំឡុងពេលកន្លងមក មិនធ្លាប់មានរដ្ឋាភិបាលអាណត្តិណាមួយ ធ្វើបានសម្រេចលើរឿងនេះឡើយ ។ ដូច្នេះប្រសិនបើគម្រោងរបស់លោកម៉ូឌី ជោគជ័យ មានន័យថា នឹងទទួលបានការកោតសរសើរ និងគាំទ្រពីប្រជាពលរដ្ឋ ក្នុងការបោះឆ្នោតនៅអាណត្តិក្រោយទៀត ។អ្នកជំនាញជាច្រើនរូបលើកឡើងថា ទន្លេគង្គាមានបរិមាណបាក់តេរីខ្ពស់ជាងបទដ្ឋានសុវត្ថិភាពដល់ទៅ២០០ដង ដោយការសម្អាតនិងកែលម្អ ត្រូវចំណាយពេលយូរជាង៣០ឆ្នាំ ៕
ចែករំលែកព័តមាននេះ