ខេត្តកំពង់ឆ្នាំង៖ របាំងក្រឡាញឹកនិងរបាំងសាច់អួន៧កន្លែងមានប្រវែង១២០០ម៉ែត្រ លបចំនួន៣៥គ្រឿង និងលបលូសាច់អូនចំនួន៣គ្រឿង ត្រូវបានសមត្ថកិច្ចចម្រុះចុះបង្ក្រាបនិងរុះរើដុតកម្ទេចចោលនៅនឹងកន្លែង ក្នុងនោះក៏បានចាក់លែងកូនត្រីចំរុះជាង៤លានក្បាលចេញពីលូស្បៃមុងចូលទៅទន្លេរធម្មជាតិវិញ។
ខេត្តកំពង់ឆ្នាំង៖ របាំងក្រឡាញឹកនិងរបាំងសាច់អួន៧កន្លែងមានប្រវែង១២០០ម៉ែត្រ លបចំនួន៣៥គ្រឿង និងលបលូសាច់អូនចំនួន៣គ្រឿង ត្រូវបានសមត្ថកិច្ចចម្រុះចុះបង្ក្រាបនិងរុះរើដុតកម្ទេចចោលនៅនឹងកន្លែង ក្នុងនោះក៏បានចាក់លែងកូនត្រីចំរុះជាង៤លានក្បាលចេញពីលូស្បៃមុងចូលទៅទន្លេរធម្មជាតិវិញ។
កិច្ចប្រតិបត្តិការបង្ក្រាបបទល្មើសនេសាទខាងលើនេះសមត្ថកិច្ចចម្រុះសហការគ្នាបង្ក្រាបចំនួន២ថ្ងៃ គឺថ្ងៃទី២៩ និងថ្ងៃទី៣០ កក្កដា នៅក្នុងភូមិសាស្ត្រស្រុករលារប្អៀរ ស្រុកកំពង់ត្រឡាច និងស្រុកជលគីរី។
លោក សោម ភិរុណ នាយរងខ័ណ្ឌរដ្ឋបាលជលផលកំពង់ឆ្នាំងដែលជាអ្នកដឹកនាំករណីបង្ក្រាបបទល្មើសជលផលឱ្យដឹងថា សមត្ថកិច្ចចម្រុះចូលរួមក្នុងការបង្ក្រាបខាងលើនេះរួមមាន គណៈបញ្ជារការឯកភាពរដ្ឋបាល ស្រុកជលគីរី កំពង់ត្រឡាច រលារប្អៀរ សហគមន៏នេសាទ សមត្ថកិច្ច ខ័ណ្ឌរដ្ឋបាលជលផលកំពង់ឆ្នាំង និងសមត្ថកិច្ចរដ្ឋបាលសង្កាត់ជលផលនៅក្នុងមូលដ្ឋានស្រុកទាំង៣ខាងលើ។ លោកបន្តថា ក្នុងរយៈពេល២ថ្ងៃកន្លងមកនេះ ដោយសារមានសេចក្តីរាយការពីប្រជាពលរដ្ឋដែលប្រាប់ពីកន្លែងបទល្មើសទាំង៣ស្រុក លោកបានសហការគ្នាចុះបង្ក្រាបគ្រប់ទីកន្លែង ទទួលបានលទ្ឋផលដូចខាងលើ ។ លោកក៏សូមអំពាវនាវដល់ប្រជានេសាទទាំងអស់នៅក្នុងខេត្ត សូមកុំប្រើប្រាស់ឧបករណ៏នេសាទខុសច្បាប់ដែលរដ្ឋហាមឃាត់ អ្នកប្រព្រឹត្តបទល្មើសនេសាទទាំងអស់សមត្ថកិច្ចនឹងមិនលើកលែងឡើយ ព្រោះថាក្នុងរដូវនេះជារដូវត្រីពងកូននិងជារដូវបិទការនេសាទ។ ដើម្បីរួមចំណែកក្នុងការអភិរក្សពូជពង្សមច្ឆជាតិឱ្យមាននិរន្តរភាព បានយូរអង្វែងសម្រាប់កូនចៅជំនាន់ក្រោយ សមត្ថកិច្ច សូមអំពាវនាវដល់ប្រជាពលរដ្ឋនៅគ្រប់មូលដ្ឋាន ចូលរួមសហការជាមួយសមត្ថកិច្ចជំនាញ ដោយចង្អុលបង្ហាញទីតាំងបទល្មើសនេសាទឱ្យបានជាក់លាក់និងច្បាស់លាស់ ដើម្បីរួមសាមគ្គីនិងសហការគ្នាបង្រា្កប បទល្មើសនេសាទឱ្យបានជោគជ័យ។
សមត្ថកិច្ចចម្រុះឱ្យដឹងទៀតថា កិច្ចប្រតិបត្តិការបង្ក្រាបបទល្មើសនេសាទនិងបន្តបង្ក្រាបនៅគ្រប់មូលដ្ឋានដូចភ្លៀងរលឹមដោយមិនរាថយឡើយ និងមិនអនុញ្ញាតិ ឱ្យជនល្មើសប្រព្រឹត្តបទល្មើស នេសាទតាមទំនើងចិត្តនោះឡើយ។
បើទោះបីបែបនេះក្តី មានសេចក្តីរាយការណ៏ថា នៅចំណុចផ្លូវទូក ស្រុកកំពង់លែង និងចំណុចសេះស្លាប់ ស្រុកបរិបូណ៏ បទល្មើសនេសាទ ដាក់របាំងសាច់អួនក្រឡាញឹក និងរបាំងស្បៃមុងកំពុងកើតមានស្អេកស្កះ ដែលមន្ត្រីជំនាញគួរចុះបង្ក្រាបផងដែរ ៕
ចែករំលែកព័តមាននេះ